Американскиот претседател го променил ставот и сега е „поблизок“ до Украина бидејќи сè повеќе го гледа Киев како победничка страна, а Русија како веројатен губитник во војната.
Ова го тврди поранешниот функционер на Советот за национална безбедност на Белата куќа, Метју Брајза.
Во разговор за „Киев пост“, Брајза ја нарече одлуката на Трамп да одобри лиценцирано производство на ракети-пресретнувачи „Патриот“ за Украина „длабока“ политичка и стратешка промена, објави „Киев пост“.
„Мислам дека претседателот Трамп разбира дека Украина веројатно ќе биде победник, а Русија веројатно ќе биде губитник“, рече Брајза.
„А Трамп ги сака победниците, не ги сака губитниците“.
Трамп минатата недела на самитот на НАТО во Анкара објави дека Вашингтон ќе ѝ дозволи на Украина да произведува пресретнувачи „Патриот“. Одлуката претставува значаен долгорочен поттик за Киев, иако поставувањето производствени капацитети, трансферот на технологија и организирањето на синџирите на снабдување може да потрае.