Американскиот претседател Доналд Трамп го прогласи Ормускиот Теснец за „нова територија на САД“, според објава на социјалната мрежа „Трут соушал“ денеска.
Во петокот тој рече дека ќе го прогласи овој витален теснец, низ кој поминува околу една петтина од светските резерви на нафта, за „американска територија“, но тогаш остави впечаток дека се шегува, забележува Франс прес.
Зборувајќи пред новинарите во Овалната соба во Белата куќа вчера, сепак, тој се врати на темата, коментирајќи дека тоа би било „многу добра идеја“.
Од почетокот на неговиот втор мандат во јануари минатата година, американскиот претседател спомена анексија на голем број странски територии – Канада, Гренланд и Појасот Газа, но тој никогаш не спроведе ниту една своја идеја.
АФП посочува дека Трамп го покренал прашањето за Ормускиот Теснец во време кога мирното решавање на конфликтот со Иран изгледа подалечно од кога било.