Свет

Трамп нека продолжи да сонува дека ги уништил иранските нуклеарни капацитети

Врховниот лидер на Иран, ајатолахот Али Хамнеи, денеска ги отфрли изјавите на американскиот претседател Доналд Трамп дека САД ги уништиле иранските нуклеарни капацитети.

Врховниот лидер на Иран, ајатолахот Али Хамнеи, денеска ги отфрли изјавите на американскиот претседател Доналд Трамп дека САД ги уништиле иранските нуклеарни капацитети.

– Претседателот на САД гордо кажува дека ја бомбардирале и уништиле иранската нуклеарна индустрија. Многу добро, продолжете да сонувате!, објави Хамнеи на платформата Икс.

Во израелскиот напад врз Иран во јуни, во кој учествуваа и САД, беа бомбардирани иранските нуклеарни објекти Натанз, Фордоу и Исфахан.

Иранското Министерство за надворешни работи пред два дена соопшти дека Техеран повеќе не е ограничен во својата нуклеарна програма, откако истече меѓународниот Сеопфатен план за нуклеарна акција (ЈЦПОА). Иран во 2015 година склучи договор со Франција, Германија, Велика Британија, Кина, Русија и САД за регулирање на нуклеарната програма, во замена за намалување на меѓународните санкции против Техеран. Но, во 2018 година, за време на првиот претседателски мандат на Трамп, САД еднострано се повлекоа од договорот и воведоа нови санкции кон Иран. Како одговор, Техеран ги зголеми залихите на збогатен ураниум до 60 проценти.

Според податоците на Меѓународната агенција за атомска енергија (МААЕ), Иран останува единствената држава без нуклеарно оружје што збогатува ураниум до високо ниво од 60 отсто, што е блиску до потребните 90 проценти за производство на атомска бомба.

Најнови вести од: Свет

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

Кремљ ја укинува забраната за ликвидација на Зеленски и военото раководство?

Претставници на безбедносните служби побарале дозвола за физичка елиминација на највисокото воено и политичко раководство на Украина, пишува „Московски комсомолец“, руски весник близок до властите

To top