Американскиот претседател Доналд Трамп повторно изнесе бизарна теорија за тоа зошто руската војска не успеала да го заземе Киев за само еден ден, на почетокот на инвазијата во февруари 2022 година.
Според неговата верзија на настаните, неуспехот на рускиот „блицкриг“ не се должи на украинските бранители, туку на еден „глупав руски генерал“ и на калта, која, како што тврди тој, настанала поради рекордни врнежи од дожд.
Во разговор со новинарите, Трамп изјави дека ноќта пред нападот паднал „најобилниот дожд во последните десет години“ и дека руските тенкови, без никакви проблеми, требало да можат да стигнат до центарот на Киев преку автопатот за само неколку часа.
„Да возеа со брзина од 77 км/ч, војната ќе завршеше за еден ден“ вели Трамп кој детално ја изложи својата верзија за операцијата – за која не понуди апсолутно никакви докази.
„Еден глупав руски генерал. Многу глупав човек. Да имаа 1.000 тенкови што ќе јуреа по бетонски автопат, ќе стигнеа во Украина за четири часа, движејќи се со максималната брзина на тенковите – која изнесува точно 48 милји на час (околу 77 км/ч). Ништо немаше да може да ги запре. Војната ќе завршеше за еден ден“, тврди Трамп.
Тој го обвини еден неименуван командант за пропаѓањето на офанзивата.
„И тој многу глупав генерал – немам поим кој е; се сомневам дека е сè уште меѓу нас, се сомневам дали е воопшто жив – одлучи да сврти десно кон земјоделско земјиште, па лево, и да се упати кон Киев.
Наместо да остане на автопатот – бетонски автопат, сосема добар автопат по кој напредуваа одлично… Ќе стигнеше за три и пол до четири часа и целата војна ќе завршеше.
Наместо тоа, заглави во калта. Беше како жив песок“, изјави американскиот претседател.
Trump on Ukraine War:
The Russians had a thousand tanks riding up a concrete highway.
They would have been in Ukraine in four hours, going maximum tank speed, which is 48 miles an hour, to be exact. Nothing to stop them. The war would have been over in one day.
And this very stupid general—I have no idea who he is. I doubt he’s still with us. I doubt he’s still living.
He decided to hang a right onto the farmland and then take a left and go up to Kyiv, rather than staying on the highway—the concrete highway, perfectly good highway—where they were doing very nicely.
It would have been three and a half, four hours, and the whole war would have ended.
He ended up getting stuck in the mud.
— Clash Report (@clashreport) October 20, 2026
Но, бројни воени анализи, видеоснимки и податоци од западните разузнавачки служби покажуваат сосема поинаква верзија на настаните:
Како прво, руските оклопни колони навистина ги користеа главните патишта и автопатишта што водат кон Киев од север. Тие не заглавија затоа што некој генерал произволно одлучил да се движи преку отворени полиња, туку затоа што наидоа на добро подготвени украински заседи. Озлогласениот руски конвој – долг околу шеесет километри – целосно застана на асфалтот поради целосен логистички колапс: останаа без гориво, мазива и храна за војниците, додека возилата претрпеа масовни механички дефекти.
Како второ, украинските сили систематски ги уништија клучните мостови на приодите кон главниот град и ја разнесоа браната на реката Ирпин, поплавувајќи ја целата област северно од градот и претворајќи го теренот во непроодна мочвара.
Соочени со уништени премини и постојани напади од лесна украинска пешадија вооружена со системи „Џавелин“ (Javelin) и NLAW, руските оклопни возила се обидоа да ги заобиколат закрчените патишта – но многу од нив безнадежно заглавија во калливата почва.
И метеоролошките податоци за февруари 2022 година го побиваат Трамп: во деновите пред и за време на почетокот на инвазијата во северна Украина, немаше никаков невидено силен, „библиски“ потоп, туку типично зимско време со температури околу точката на замрзнување.