Свет

Трамп: „Војната мора да заврши на еден или друг начин“

Американскиот претседател изјави дека неговиот сегашен предлог за мир во Украина и крај на војната со Русија не е негова последна понуда

 

Неговите коментари дојдоа откако Украина и нејзините европски сојузници велат дека мировниот план може да биде основа за преговори, но дека му е потребна „повеќе работа“.

„Војната мора да заврши на еден или друг начин“, им рече Трамп на новинарите во саботата. Но, тој рече „не“ кога беше прашан дали тоа е неговата последна понуда.

Државниот секретар на САД, Марко Рубио, изјави дека мировниот план од 28 точки за Украина, кој се појави оваа недела, е изготвен од Вашингтон, и покрај она што го кажаа неколку сенатори.

„Се нуди како силна рамка за тековните преговори“, објави Рубио на X.

 

„Се базира на предлози од Русија, но и на претходни и сегашни предлози од Украина“, додаде тој.

Неговата реакција дојде откако група американски сенатори тврдат дека наводниот мировен план од 28 точки за Украина е всушност руски, а не американски предлог.

Сенаторите наведуваат дека оваа информација ја потврдил државниот секретар Марко Рубио во телефонски разговор, велејќи дека документот е протечен од руска страна.

Тројцата сенатори побараа појаснување од Рубио додека тој патуваше во Женева, загрижени за природата на документот. Еден од нив, републиканецот Мајк Раундс, член на Комитетот за разузнавање на Сенатот, рече дека планот им изгледал сомнителен од самиот почеток, дури и според стилот на пишување што укажуваше на руско потекло.

Најнови вести од: Свет

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

Кремљ ја укинува забраната за ликвидација на Зеленски и военото раководство?

Претставници на безбедносните служби побарале дозвола за физичка елиминација на највисокото воено и политичко раководство на Украина, пишува „Московски комсомолец“, руски весник близок до властите

To top