Стереотипот за скараноста на Американците со географијата го потврди репортерката Абигејл Велез од локалната телевизија Еј-Би-Си 7 од Лос Анџелес, која во најавата за натпреварот на САД со Босна и Херцеговина од првото елиминациско коло на Светското фудбалско првенство го претстави противникот како „две мали земји“.
„Американскиот тим ќе игра против овие две мали земји“, рече таа и кој знае дали воопшто некој ќе реагираше ако виедото не стана вирално, што предизвика лавина реакции што се сведуваа на вџашеност од елементарното непознавање од новинарката на државата за која известува.
Згора на тоа, во истото директно вклучување Велез призна дека не би знаела да покаже каде се наоѓа БиХ на картата на светот.
По негативните коментари, таа јавно се извини, нагласувајќи дека немала намера да ги навреди граѓаните на Босна и Херцеговина и оти ѝ е жал за своите непромислени изјави.