Свет

Зеленски го нарече Путин терорист и одби средба во Москва

Украинскиот претседател Володимир Зеленски ја отфрли понудата на рускиот претседател Владимир Путин за средба во Москва за дипломатско решение на конфликтот

epa12308760 Ukraine's President Volodymyr Zelensky meets with United States President Donald J Trump (not pictured) in the Oval Office of the White House in Washington, DC, USA, 18 August 2025. European Leaders are at the White House in support of President Zelenskyy following President Trump’s meeting with President Vladimir Putin of Russia in Anchorage, Alaska, USA, on August 15, 2025. EPA/AARON SCHWARTZ / POOL

Украинскиот претседател Володимир Зеленски ја отфрли понудата на рускиот претседател Владимир Путин за средба во Москва за дипломатско решение на конфликтот, изјавувајќи: „Не можам да одам во Москва кога мојата земја е под ракети, под напад, секој ден. Не можам да одам во главниот град на овој терорист. Тој може да дојде во Киев.“ Ова Зеленски го изјави во интервју за ABC News, од локацијата на американски производствен погон во западна Украина, кој неодамна беше цел на руски ракетен напад.

Зеленски истакна дека предлогот на Путин, кој во среда изјави дека не е против средба со украинскиот лидер, е обид за одложување. „Ако некој не сака да се сретне за време на војната, секако, може да предложи нешто што не може да биде прифатливо за мене или за некој друг“, рече тој, нагласувајќи дека е подготвен за средба во било кој формат.

ABC News потсетува дека американскиот претседател Доналд Трамп ја истакнал средбата меѓу лидерите на Русија и Украина како приоритет за постигнување мировен договор. Трамп минатата недела изјави: „Трилатерален состанок може да се случи. Што се однесува до билатерален, не знам.“ Од друга страна, германскиот канцелар Фридрих Мерц оцени дека е „јасно“ дека билатерален состанок меѓу Путин и Зеленски нема да се одржи.

Украинскиот министер за надворешни работи Андриј Шибига на социјалната мрежа X напиша дека Австрија, Ватикан, Швајцарија, Турција и три земји од Персискиот Залив се подготвени да бидат домаќини на мировни разговори на кои Зеленски би присуствувал

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top