Украинскиот претседател Володимир Зеленски ја отфрли можноста да оди во Москва на мировни преговори, шеговито наведувајќи ги како причина беспилотните летала што украинските сили ги испраќаат кон руската престолнина во последните месеци.
Москва неодамна го повика Зеленски дека слободно може да дојде во Москва ако сака да преговара со својот руски кола Владимир Путин.
Размената меѓу Зеленски и американскиот претседател Доналд Трамп беше снимена за време на денешната билатерална средба меѓу двајцата лидери на маргините на самитот на НАТО во Анкара.
Зборувајќи за сопствените разговори со рускиот претседател Владимир Путин за можен самит, Трамп рече дека го покренал прашањето за местото на состанокот и добил одговор дека Москва би била претпочитана локација.
Трамп веднаш ја отфрли можноста.
„Реков, нема да се сретнете во Москва. Не“, рече Трамп, опишувајќи го својот разговор, според „Јунајтед 24 Медиа“.
Потоа го прашал Зеленски: „Дали би оделе во Москва?“.
„Тешко“, одговорил Зеленски. „Има многу украински дронови таму. Опасно е.“
Трамп рече дека не е сигурен дека треба директно да се вклучи во ова прашање, велејќи дека не чувствува дека мора да се стави себеси „во таа позиција“.
Додаде дека не е сигурен дека Кремљ ќе прифати таков состанок, велејќи само дека Путин „можеби“ ќе се согласи.