Лекар и медицинска сестра од Клиничкиот центар во Скопје шверцувале ботокс вреден 10 илјади евра, лажно го прикажале како „козметички производи“!
Царинската управа поднесе кривична пријава против доктор и медицинска сестра од Клиничкиот центар „Мајка Тереза“ во Скопје, кои се обиделе да прошверцуваат вкупно 199 вијали со ботокс во вредност од 615 илјади денари (околу 9.900 евра) преку поштенска пратка, пријавена како козметички примероци со вкупна вредност од 80 долари. Во предистрагата е утврдено дека докторот од Универзитетскиот клинички центар нарачал 199 вијали со ботокс во вредност од 615 илјади денари од корејска компанија од Кореја, но се договорил во фактурата да бидат прикажани како 10 козметички производи.