Во денешното соопштение ВМРО-ДПМНЕ ги обвинува СДСМ и Венко Филипче дека пак се пазарат со Бугарија, на штета на македонските интереси.
„СДСМ и Филипче повторно виткаат кичма пред Бугарија, и испраќаат сигнали до Софија дека се подготвени да направат се, само да дојдат до власт и Филипче да си ја задржи фотелјата на Бихачка, се наведува во соопштението од ВМРО-ДПМНЕ.
Резолуцијата со црвени линии на СДСМ, како што реагираат од ВМРО-ДПМНЕ, не е патриотски чин за Македонија таа е маска позади која се преговара, пазари и дополнително се потчинува и понижува Македонија.
„Филипче да каже на јавноста што договорил во четири очи со Бугарија?“, прашаа од владеачката партија.