На предизборниот митинг во Ново Село, лидерот на ВМРО-ДПМНЕ, Христијан Мицкоски, се осврна на слоганот на СДСМ „Се бориме за нашиот дом!“, прашувајќи се за кој дом мислат: дали за домот во Дубаи, хациендата на Халкидики, фирмите во Петрич и Сандански или за јахтата што сите ја виделе. „Луѓето имаат дилема, а мојот одговор е дека тие имаа седум години да мислат за нашиот заеднички дом – татковината Македонија, но мислеа само за својот џеб“, рече Мицкоски, додавајќи дека СДСМ се наоѓа под психолошкиот и биолошки минимум, а нивниот главен предизвик на изборите ќе биде дали ќе освојат 110, 120 или 130 илјади гласови.
Од митингот во Босилево, Мицкоски им порача на ривалите да извлечат поуки од минатите грешки, обвинувајќи го лидерот на СДСМ, Венко Филипче, дека е континуитет на политиките на „гуруто“ Зоран Заев. Тој нагласи дека ВМРО-ДПМНЕ ќе се бори за заедничкиот дом – Македонија, а не за лични интереси.