Бизнис

Стабилизиција на економијата и солидни стапки на раст, прогносира експертската фела

Државната статистика измери годишна инфлација од 4% во септември, што е намалување за 0,2 пп споредено со август. Намалувањето за само еден месец е резултат главно на пониските трошоци на живот кај транспортните услуги за 3,3%, рестораните и хотелите за 1,3% и рекреација и култура за 0,7%.

2 минути за читање

Македонската економија се движи во позитивна насока на стабилизиран раст и умерено ниво на инфлација. Експертите сметаат дека таа има капацитет да се зголеми над 3% како што проектира Светска Банка во најновиот извештај, главно поради поголемата домашна побарувачка, јавните инвестиции и извозот. Експертите, како што пренесе Алфа, велат дека се забележува дека активностите забрзуваат, но Владата треба да внимава на влошените демографски промени и ефикасноста на институциите. Тие сметаат дека се добри показателите за намалување на невработеноста и раст на платите. За поголем економски раст, клучно е, според нив, зголемувањето на продуктивноста.

За аналитичарите, добро е што инфлацијата полека почнува да забавува. Очекувањата се дека таа може да се сведе на околу два проценти следната година, без дополнителни мерки. Секако, тоа би се случило, доколку не се заострат ризиците и притисоците врз цените во регионот и на глобално ниво – вели универзитетскиот професор Синиша Наумовски. Политиките на Владата, треба според него, да бидат насочени кон поттикнување на домашното производство.

Инаку, државната статистика измери годишна инфлација од 4% во септември, што е намалување за 0,2 пп споредено со август. Намалувањето за само еден месец е резултат главно на пониските трошоци на живот кај транспортните услуги за 3,3%, рестораните и хотелите за 1,3% и рекреација и култура за 0,7%. Светска банка пак очекува инфлацијата да се сведе на 2% во 2027-мата година.

Поврзани теми:

анализа|инвестиции|топ|Македонија|бизнис|БДП|економија|профит|раст|банки

Повеќе на оваа тема:

Најнови вести од: Бизнис

Цените на храната во светот паѓаат трет месец по ред

Цените на млекото и млечните производи паднаа за 3,1 процент, со значително намалување на цената на путерот и полномасното млеко во прав, во услови на поголемо производство на млеко и изобилство на понуда во главните производствени региони.

Човечките ресурси и сивата економија предизвици за македонскиот бизнис-сектор

Предизвиците кои се повеќе се исправени пред македонскиот бизнис секор се човечките ресурси,сивата економија и потребата од подобрувања за законската легислатива кои би стимулирале раст на домашното производство и македонските компании се дел од барањата  на бизнис секторот на кои сите трите комори во периодот ќе работат на заеднички предлози кои ќе бидат преставени пред македонската влада. 

Хотелско-угостителскиот сектор повторно бара државна поддршка да подели плати

Економските предизвици со кои се соочува хотелско-угостителската индустрија, во услови на сезонско работење, нестабилен прилив и раст на трошоците и платите, според ХОТАМ јасно укажуваат дека без соодветна државна поддршка одржливоста е сериозен предизвик.

Македонската економија мора да излезе од историската замка на ниски плати и евтина работна сила, рече Мицкоски

Македонската економија мора да излезе од историската замка на ниските плати, евтината работна сила и ограниченото производство. До 2030 година, земјата мора да направи структурен премин, од економија на евтина продукција кон економија на знаење, високи компетенции и додадена вредност, рече претседателот на ВМРО-ДПМНЕ.

(Видео): Прераспределбата на буџетот е доказ за неспособноста да се реализираат капиталните инвестиции, вели Битиќи

Осумнаесет месеци слушаме иста реторика за расипништвото, дигитализација и капитални инвестиции. Се зборува дека градежништвото ќе биде генератор на економски раст, а главните изведувачи и работници на големите проекти се странци. На пример, на Коридор 8 од 2.500 работници, 2.200 се од странство. Како тоа ќе генерира вистински раст за македонската економија, рече Битиќи.

(Видео): Прераспределбата на буџетските средства е вообичаена пракса, рече министерката за финансии

Димитриеска-Кочоска рече дека дел од средствата од прераспределбата ќе бидат наменети за компанијата „Бехтел и Енка“ за изградба на инфраструктурните проекти. На прашањето дали прераспределбата се врши за исплата на наводно задоцнети средства за породолно отсуство, министерката негираше дека има информации за доцнење од два месеца.

Купил дури две штипски села – Косовски бизнисмен бара од Владата да ја гради најголемата фотоцентрала

Фирмата, како што пишува порталот, „Алба Енерги Груп“ била основана во септември 2021 година со основачки влог од 5000 евра, а пред две години беше објавено дека тогашната влада донела урбанистички план за подрачја и градби од значење за државата со кој овој инвеститор, како што беше медиумски пренесено тогаш. ќе може да изгради фотонапонски објекти од 200 мегавати.
Сите вести од Бизнис

Најнови вести

To top