Македонија

Починато лице на советничка листа во Град Скопје – во Ново Село печатна грешка во избирачките ливчиња

На една од поднесените советнички листи за избор на советници во Град Скопје, имало и починато лице

На една од поднесените советнички листи за избор на советници во Град Скопје, имало и починато лице. Поради тоа Државната изборна комисија на денешната седница одлучи гласачкото ливче да биде прогласено неважечко, доколку некој граѓанин гласал токму за листата на кое го има починатото лице. Едногласно, членовите на ДИК одлучија да ја поништат оваа советничка листа. Со оглед на тоа дека ваквата информација е доцна октриена, односно по утврдувањето на листите, поднесената советничка листа не може да биде тргната од гласачкото ливче, бидејќи избирачкиот материјал е веќе дистрибуиран.

-Бидејќи оваа информација е доцна откриена, гласачките ливчиња се веќе отпечатени и дистрибуирани и процесот не може да се запре, односно не може да се ограничи правото на глас на граѓаните. Затоа во оваа одлука даваме и соодветно упаство како да се постапува со евентуално дадените гласови за оваа листа на кандидати, односно Избирачките одбори и комисии ќе ги сметаат таквите ливчиња за неважечки, изјави Борис Кондарко, претседател на ДИК.

Вакво нешто не е прв пат да се случи. Го имало и на претходните избори. За ова има кривична постапка.

-Таков случај се појави и минатата година. Меѓутоа ние преземавме мерки и листата ја отфрливме бидејќи тој не беше запишан во Избирачкиот список, а сега е запишан во Избирачкиот список и тоа создава дополнителна конфузија. Меѓутоа, како што рековте, ќе се предадат документите на ОЈО за да покрене постапка доколку има основи. Минатата година беше покрената кривична постапка, мислам дека уште се води, не знам до каде е, меѓутоа за вакви случаеви предвидена е кривична постапка, изјави Борис Кондарко, претседател на ДИК.

Се разбира, ДИК го повика обвинителството да ги провери сите информации и доколку има основа, да поведе постапка.

Но, ова не беше единствениот проблем за кој расправаше ДИК. Имено, во Ново Село, во дом за стари лица, на момент беше прекинато гласањето во текот на денешниот ден, бидејќи избирачкото ливче било со печатни грешки, односно биле помешани редните броеви на кандидатите.

-Таа грешка е веќе исправена и веќе е доставен материјалот во Општината Ново Село и гласањето таму за болните денеска ќе се одвива непречено и сите ќе го остварат своето право на глас до крај на денот, изјави Борис Кондарко, претседател на ДИК.

На останатите места каде што е пријавено гласање на изнемоштени и болни лица, гласањето се одвивало без проблем, и немало забелешки од ниту една Избирачка и општинска комисија. Резултатите од денешното гласање ќе бидат објавени утре по завршувањето на првиот круг од Локалните избори, со останатите гласачки ливчиња.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

To top