Орце Ѓорѓиевски посочи дека Левица е во коалиција со ДУИ, прикажувајќи и фотографии на кои се гледа како се заедно фотографирани кандидатот на Левица со кандидатот за градоначалник на Тетово од ДУИ, со што се потврдува нивната соработка.
“Она што се говори во јавноста, а има потврди за тоа, од ДУИ кандидатот за градоначалник на Тетово заедно со вашиот кандидат, кои што седат после изборите, но имаше и еден пратеник сликан во Собранието заедно со претставник од ДУИ. Ова јасно говори во која насока се движат процесите.” – укажа Ѓорѓиевски.
Тој нагласи дека уште од првиот круг е јасна поддршката, која Левица ја имала од ДУИ.
„А ако се види состојбата по избирачки места, тоа е многу едноставно и гласањето од првиот круг, јасно се доаѓа до заклучок дека Левица имале поддршка од ДУИ уште во првиот круг.“ – заклучи Орце Ѓорѓиевски.