Селекторот на фудбалската репрезентација на Македонија, Благоја Милевски, за претстојниот завршен натпревар од квалификациите за Светското првенство 2026 против Велс на 18 ноември во Кардиф со најава за ист пристап како и на претходните дуели.
„Против Велс одиме со ист пристап, без калкулации, со желба за победа и докажување дека Македонија со право е меѓу најконкурентните во баражот за мундијалот“, изјави тој.
„Без разлика на тоа што мал дел од фудбалерите имаат континуирана минутажа во клубовите, секогаш даваат максимум во дресот на Македонија. За мене тие се феномени. Да играш на вакво ниво без ритам е за почит. Секој си го заслужил местото во репрезентацијата“, додаде селекторот.
Милевски за најважниот меч од квалификациите, како и за контролниот со Летонија пет дена претходно, не може да смета на повредениот лев бек Езгјан Алиоски.
Собирот на националниот тим е закажан за 10 ноември во Скопје.