Македонија

Град Скопје воведува забрана од 22 до 6 часот наутро за фрлање ѓубре

Град Скопје воведува ново ограничување: од 22 часот навечер до 6 часот наутро целосно се забранува одлагање ѓубре во контејнерите.

facebook.com/1OrceGj

Град Скопје воведува ново ограничување: од 22 часот навечер до 6 часот наутро целосно се забранува одлагање ѓубре во контејнерите.

Одлуката, усвоена од Советот на предлог на градоначалникот, цели кон подобрување на собирањето на отпадот и спречување на нелегални депонии околу садовите. Прекршителите ќе бидат казнети.

Од Градот велат дека мерката им дава правна основа на инспекторите и комуналните редари да санкционираат физички и правни лица што нема да го почитуваат дозволениот термин за фрлање отпад.

Претседателот на Советот, Даме Димитровски, ја поздрави иницијативата, истакнувајќи успешни примери од други градови. „Во Истанбул имаше само 15 минути дозволено време за фрлање ѓубре рано наутро. Во Токио секој вид отпад има точно утврден термин за собирање. Верувам дека кога ќе воведеме и корпи за селекција, системот ќе биде уште поефикасен“, изјави Димитровски.

Сепак, советничката од Левица, Катерина Јовановска, ја оцени мерката како неприфатлива. „Не може вината за нефункционалноста на комуналното претпријатие да се префрла врз граѓаните. Ограничувањето кога смеат да фрлаат ѓубре, па уште и со казни, е невиден скандал“, рече Јовановска.

Покрај забраната, советниците со 37 гласа „за“, еден „против“ и еден „воздржан“ го изгласаа и ребалансот на буџетот.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

To top