Обавен е тајниот мировниот план на американскиот претседател Доналд Трамп кој содржи 28 точки.
Тие вклучуваат одредби што се однесуваат на територијални прашања, реконструкција и политички статус на Украина, објави украинскиот пратеник Олексиј Гончаренко.
Ова се 28 точки:
1. Суверенитетот на Украина ќе биде потврден.
2. Русија, Украина и Европа ќе склучат сеопфатен пакт за ненапаѓање; сите спорови од последните 30 години ќе се сметаат за решени.
3. Русија се обврзува да не ги напаѓа соседните земји, а НАТО се обврзува да не се шири понатаму.
4. САД ќе дејствуваат како посредник во дијалогот меѓу Русија и НАТО за прашања поврзани со безбедноста и деескалацијата.
5. Украина ќе добие безбедносни гаранции.
6. Бројот на украинските вооружени сили ќе биде ограничен на 600.000 луѓе.
7. Украина ќе го вметне во својот Устав своето одбивање да се приклучи кон НАТО, а НАТО ќе вклучи слична одредба во своите документи.
8. НАТО нема да распореди трупи во Украина.
9. Европските борбени авиони ќе бидат стационирани во Полска.
10. Гаранции од САД:
– САД ќе бидат компензирани за обезбедување гаранции
– Украина ќе ја изгуби гаранцијата ако ја нападне Русија
– Доколку Русија ја нападне Украина, санкциите ќе бидат вратени и признатите територии ќе бидат преиспитани.
– Лансирањето ракети кон Москва или Санкт Петербург без причина ќе ја лиши Украина од гаранции
11. Украина има право на членство во ЕУ и ќе добие преференцијален пристап до европскиот пазар.
12. Планот за реконструкција на Украина вклучува:
– Фонд за развој на Украина за инвестиции во технологија и вештачка интелигенција
– Заедничко реновирање и работење на гасната инфраструктура
– Реконструкција на оштетените области и градови
– Развој на инфраструктурата.
– Рударство.
– Специјален пакет на Светска банка.
13. Русија ќе биде реинтегрирана во глобалната економија:
– Санкциите ќе бидат укинати во фази
– САД и Русија ќе потпишат долгорочен договор за економска соработка
– Русија ќе биде поканета повторно да се приклучи на Г8
14. Замрзнати средства:
– 100 милијарди долари руски средства ќе бидат искористени за обнова на Украина; САД ќе добијат 50 проценти од профитот
– Европа ќе додаде 100 милијарди долари
– Преостанатите замрзнати средства ќе бидат насочени кон американско-рускиот инвестициски фонд
15. Ќе се формира американско-руска работна група за следење на почитувањето на договорот.
16. Русија ќе ја зајакне својата политика на неагресија кон Европа и Украина.
17. САД и Русија ќе ги прошират договорите за контрола на нуклеарно оружје, вклучувајќи го и СТАРТ I.
18. Украина го потврдува својот статус на држава без нуклеарно оружје.
19. Нуклеарната централа Запорожје ќе продолжи да работи под надзор на МААЕ; производството ќе биде поделено 50:50 помеѓу Русија и Украина.
20. Двете земји ќе имплементираат програми за толеранција:
– Украина ќе ги усвои нормите на ЕУ за заштита на малцинствата
– Двете страни ќе ги укинат дискриминаторските мерки
– Нацистичката идеологија ќе биде забранета
21. Територии:
– Крим, Донецк и Луганск ќе бидат де факто признати како руски, вклучително и од САД.
– Херсон и Запорожје се замрзнати по линијата на контакт
– Русија се откажува од други територии надвор од петте региони
– Украина ги повлекува своите сили од дел од регионот Донецк; територијата ќе стане демилитаризирана тампон зона
22. Ниту Украина ниту Русија нема да ги менуваат територијалните договори со сила.
23. Русија нема да се меша во користењето на Днепар и извозот на жито преку Црното Море.
24. Хуманитарен блок:
– Размена на сите за сите
– Враќање на цивилни притвореници и деца
– Програма за повторно обединување на семејствата
– Мерки за помош на жртвите од конфликтот
25. Украина ќе одржи избори за 100 дена.
26. Сите страни ќе добијат амнестија и ќе се откажат од идните барања.
27. Договорот ќе биде правно обврзувачки и ќе биде надгледуван од Мировен совет предводен од Доналд Трамп.
28. По потпишувањето на меморандумот, прекинот на огнот ќе стапи на сила веднаш.