Севернокорејските власти одлучија часовите по руски јазик да бидат задолжителни во училиштата од четврто одделение, изјави рускиот министер за природни ресурси Александар Козлов.
„Знам дека рускиот јазик е воведен во училиштата во Северна Кореја како задолжителен од четврто одделение“, изјави тој на состанокот на Меѓувладината комисија на Русија и Северна Кореја за трговска, економска, научна и техничка соработка.
Козлов, кој претседава со Комисијата, истакна дека до оваа година околу 3.000 студенти во Русија го изучуваат корејскиот како втор или трет странски јазик.
Тој рече дека, според најновите проценки, околу 300 руски студенти го изучуваат корејскиот јазик на универзитетите, што е половина од бројот на Севернокорејци кои го изучуваат рускиот јазик.