Бизнис

ДЗР се изгради како независен и кредибилен столб за контрола и одговорно управување со јавните пари, рече министерката за финансии

Министерството за финансии е цврсто убедено дека подобрувањето на улогата и капацитетите на државната ревизија е клучно за остварување на поставените реформски цели во финансискиот сектор за подобро и поодговорно управување со јавните средства и за јакнење на довербата на граѓаните за ефикасноста и транспарентноста на системот.

2 минути за читање

Државниот завод за ревизија е институција што во изминатите децении се изгради како независен, професионален и кредибилен столб во системот на контрола и одговорно управување со јавните финансии, изјави министерката за финансии, Гордана Димитриеска Кочоска, на одбележувањето на 26 години ДЗР. Министерството за финансии, нагласи Димитриеска Кочоска, високо ја цени улогата на државната ревизија во унапредувањето на доброто владеење и во обезбедувањето на рационално и законито користењето на средствата на даночните обврзници.

  • Во време на зголемени фискални предизвици, ограничени ресурси и различни очекувања од граѓаните, прашањата поврзани со одговорното управување со јавните финансии, транспарентноста и отчетноста добиваат уште поголема тежина. Токму тука, улогата на ДЗР е од суштинско значење, не само како контролен механизам, туку и како партнер во зајакнување на институционалните капацитети и создавањето ефикасно и одржливо контролно опкружување за заштита на јавните средства, изјави Димитриеска-Кочоска.

Ревизорските наоди и препораки, според Димитриеска Кочоска, претставуваат важна основа за подобрување на јавните политики и за јакнење на довербата на граѓаните во институциите.

  • Новиот закон за државна ревизија, којшто е во финалната фаза, има за цел да ја зајакне финансиската и оперативната независност на ДЗР, како и да воспостави поефикасни механизми за следење и проверка на спроведувањето на ревизорските препораки, изјави Димитриеска-Кочоска.

Овие активности, како што нагласи министерката, се директен одговор на барањата на ЕУ и на меѓународните стандарди за државна ревизија и претставуваат важен чекор во насока на усогласување со европските и меѓународните практики.

Министерството за финансии, нагласи Димитриеска Кочоска, е цврсто убедено дека подобрувањето на улогата и капацитетите на државната ревизија е клучно за остварување на поставените реформски цели во финансискиот сектор за подобро и поодговорно управување со јавните средства и за јакнење на довербата на граѓаните за ефикасноста и транспарентноста на системот.

Поврзани теми:

топ|избор|институции|економија|пари|развој|независност|финансии|ДЗР|средства

Повеќе на оваа тема:

Најнови вести од: Бизнис

(Фото): HELLENiQ ENERGY ја пушти во употреба првата батериска постројка за складирање струја во Солун

Еден од најголемите системи за складирање електрична енергија во батерии во Грција и Југоисточна Европа е пуштен во употреба од страна на HELLENiQ ENERGY во индустрискиот комплекс на Групацијата во Солун. Со инсталирана моќност од 100 MW и капацитет за складирање од 200 MWh, проектот, вреден околу 50 милиони евра, претставува значаен чекор во развојот на капацитетите за складирање енергија во регионот.

Многу македонски компании ќе учествуваат на најголемата саемска манифестација во светот – Експо 2027

EXPO 2027 одржи од 15 мај до 15 август, темата на големата светска изложба е „Игра за човештвото: Спорт и музика за сите“ и ќе обедини учесници од повеќе од 140 земји од светот

Гувернерот Славески со македонскиот тим од Меѓународната економска олимпијада

Народната банка, како дел соработката со Сојузот на математичари, четврта година по ред учествува во подготовките на македонските средношколци за учество на Меѓународната економска олимпијада, преку стручни и едукативни активности од областа на економијата, финансиите и банкарството.

„Алкалоид“ со 23. учество на водечкиот глобален фармацевтски настан CPHI

Продолжува традиционалното присуство на „Алкалоид“ на една од водечките глобални платформи во фармацевтската индустрија, со фокус на продлабочување на меѓународните партнерства, следење на најновите индустриски трендови и отворање нови можности за развој.
Сите вести од Бизнис

Најнови вести

To top