Тема: финансии

Државата дава неповратни 615.000 денари за сопствен бизнис

Парите се наменети за основање друштво со ограничена одговорност (ДОО) од двајца содружници, при што секој ќе поседува по 50 проценти од уделот во фирмата. Максималниот износ на грантот е 1,23 милиони денари, а парите ќе се користат за набавка на опрема и материјали предвидени во бизнис-планот.

Ребалансот на буџет оди во Влада – повеќе пари за инфраструктура, помалку за тековни трошоци

Ребалансот на буџетот оди на владина седница, ќе има зголемување на буџетскиот дефицит, најави Димитриеска-Кочоска. Повеќе пари за патишта, железници и инфраструктурни проекти, а помалку за нови вработувања и тековни трошоци. Во Владата ќе се разгледува новото прекројување на државната каса, а министерката за финансии уверува дека повеќе пари ќе бидат насочени кон проекти што треба да го поттикнат економскиот развој и да ја забрзаат реализацијата на капиталните инвестиции.

(Видео): Јавниот долг е под контрола, фискалната консолидација продолжува, рече Димитриеска-Кочоска

Владата успешно го менаџира растот на економијата. Министерката за финансии тврди дека јавниот долг останува под 60 отсто од БДП и дека Владата и годинава ќе ја исполни обврската за фискална консолидација.

(Видео): Водиме одговорна фискална политика и обезбедуваме услови за економски раст, велат од Владата

Македонија е меѓу првите пет земји во Европа по раст на БДП, покажуваат податоците од Евростат и Државниот завод за статистика, изјави премиерот Христијан Мицкоски.

Над 40 милиони евра за 10.000 луѓе предвидени со Оперативниот план за вработување

Годинава целта на Оперативниот план е развојот на претприемништвото и самовработувањето. За оваа намена предвидена е поддршка за над 2.000 лица преку мерките за самовработување, вклучително и за млади лица до 29 години, лица над 29 години и здружување на корисници во трговски друштва. Преку овие мерки се обезбедуваат грантови до 615.000 денари за основање сопствен бизнис, како и поддршка до 1.230.000 денари за здружување на повеќе корисници во заеднички бизнис.

Мора да се стави крај на издавањето на црно апартмани преку „Booking“ и „Airbnb“

Европската комисија ја предложи регулативата уште во 2022 година, откако повеќе европски градови предупредуваа дека масовното краткорочно изнајмување влијае врз цените на домувањето и создава дополнителен притисок врз локалната инфраструктура. Според ЕУ, една од главните причини за воведување на новите правила е недостигот на сигурни и стандардизирани информации за сопствениците, локациите и за времетраењето на изнајмувањето, што досега им отежнувало на институциите да го следат пазарот и да носат соодветни политики.

Потврдена силна поддршка за независноста на централните банки и засилена внимателност во услови на глобални ризици

Гувернерот Славески ја истакна определбата на Народната банка за водење претпазлива, конзистентна и кредибилна монетарна политика, која е насочена кон одржување на стабилноста на цените и заштита на финансиската стабилност во услови на засилена глобална волатилност и неизвесност.

Почнува процесот за враќање на парите од солидарниот данок

Компаниите од кои државата наплати солидарен данок во време на криза, веќе идниот месец ќе ја добијат првата рата од повратот на средствата. Претходно треба да поднесат барање за поврат до Управата за јавни приходи. Од Министерството за финансии информираат дека постапката официјално е почната.

Нема повеќе профит врз грбот на граѓаните, Владата воведува ред на пазарот

Анализите во минатите години покажаа дека поради сивата економија државата губи милиони евра годишно. Само државниот буџет секоја година губи околу половина милијарда евра коишто би можеле да се инвестираат во здравството, образованието или инфраструктурата.

Државната помош не смее да е товар на јавните финансии, туку инвестиција во одржливиот раст

Во државава недостига централизирање на државната помош, таа се води во разни институции, а тоа го отежнува управувањето со овие пари. Затоа е неопходно брзо да се направи централен регистар за државна помош, со широка палета програми што се нудат и на тој начин не само што ќе се подигне транспарентноста, туку и ќе може подетално да се мерат ефектите од таа помош.

Кога ќе им се вратат парите на компаниите од солидарниот данок?!

Добар дел од компаниите се согласија враќањето на солидарниот данок да биде на две рати, тоа е март 2026 и март 2027. Обрасците се подготвени, спремни, Управата за јавни приходи во најкраток рок сето тоа треба да го објави на нивната страна, така што очекуваме, еве го март, за отприлика некаде два месеци првиот дел или првата половина од износот на солидарниот данок компаниите да го добијат назад, велат од Владата.

(Видео): Македонија се задолжи милијарда евра преку нова еврообврзница

Голем интерес што се вреднува со износ од над четири милијарди евра пројавија меѓународните инвеститори за десеттата еврообврзница емитувана во две транши по 500 милиони евра што ја издаде Министерството за финансии. Eврообврзницата е согласно со напорите на Министерството за финансии за адекватно управување со јавниот долг и да се одржи стабилноста на јавните финансии на среден и на долг рок. Државата стана првата земја во регионот и прва земја надвор од Европската Унија што излегува на меѓународниот пазар на капитал, што сведочи за довербата во напорите на Министерството за финансии, особено имајќи го предвид износот на задолжувањето.

Најнови вести

To top