Македонскиот пејач Дамјан Стојановски може да биде прогласен за PERSONA NON GRATA во Грција поради песната ,,Една мисла имаме”.
Објава на социјалните мрежи може да му предизвика сериозни проблеми дури и забрана за влез на синот на легендарниот Војо Стојановски.
Грчките институции водат истрага дали Дамјан Стојановски ги прекршил грчките закони со исполнување на песна која може да биде оценета како закана за територијалниот интегритет на Грција.
Извори меѓу Македонци во Егејска Македонија кои ги познаваат грчките практики тврдат дека постои можност Стојановски да биде казнет а не исклучуваат тој да добие и забрана за влез како опасност по грчката државна безбедност и јавен ред и мир.
Поради настап во Грција каде биле пеени патриотски македонски песни ваква забрана за влез преходно добила Сузана Спасовска.
,,За прв пат меѓу нашите во Егеј ❤️
Една мисла имаме 👌”, е кратката објава на Дамјан Стојановски во која се гледа како стотици Македонци во селото Јаница во Грција играат оро на песната ,,Една мисла имаме”, која го прослави неговиот татко Војо Стојановски.
За Грчките служби проблематичен е делот од песната каде што се пее за ,,Македонија цела да е секој да ја знае”, што според радикални грчки структури во безбедноаниот систем на Грција е територијална претензија и закана за територијалниот интегритет на Грција.
Песната ,,Една мисла имаме” е една од македонските патриотски химни уште од првата нејзина изведба пред 3 децении.
Стоховите за песната ги напишал Војо Стојановски за време на турнеја низ Австралија.
Во последните дваесетина години десетици македонски интелектуалци, пејачи, новинари се дел од ,,Црната листа” на Грција поради наводни закани за грчката национална безбедност.