Македонија

Обилни врнежи: Евакуација во Кичево,следи снег

Заклучно со синоќа во 21:00 часот, најкритична состојба е регистрирана во западниот и југозападниот регион, каде се случиле излевања на реки, поплавени домови, земјоделско земјиште и сериозни проблеми во сообраќајот.

2 минути за читање

Центарот за управување со кризи (ЦУК) објави детален извештај за штетите предизвикани од обилните врнежи во изминатите 24 часа. Заклучно со синоќа во 21:00 часот, најкритична состојба е регистрирана во западниот и југозападниот регион, каде се случиле излевања на реки, поплавени домови, земјоделско земјиште и сериозни проблеми во сообраќајот.

Кичево –  Најдраматично било во Кичево, каде надлежните служби морале итно да интервенираат. Евакуирани се вкупно 60 лица од нивните домови на улицата „Прилепска“, откако водата навлегла во станбените објекти.

Гостивар и Тетово Во гостиварскиот регион, кај Балин Дол, реката Вардар се излеала од коритото, поплавувајќи 10 земјоделски парцели и неколку дворови. Паднато дрво во коритото на Вардар кај село Форино создало дополнителен ризик од поголема поплава, но екипите навремено интервенирале. Поради високите води, намалено е производството на ХЕЦ Маврово. Во Тетовско, излеаните реки Лакавичка и Сушичка предизвикале штети врз земјоделското земјиште кај селата Мало Турчане и Горно Бањице. Општината немала соодветна механизација за справување со ситуацијата. Сообраќајот е отежнат поради одрони на патните правци Гостивар – Стража и Тетово – Бањиче (кај месноста Цртан ѕид).

Југозапад и Пелагонија Во Битолско, критично е кај селото Лера, каде има поплава кај мостот со опасност од проширување кон селото, а во село Породин настрадала живинарска фарма. Во Охрид и Ресен, водата навлегла во подруми, гаражи и дворови (селата Перово, Дремени, Долна Бела Црква), а интервенирале јавните претпријатија. Одрони се чистеле на патот Охрид – Пештани и Струга – Дебар.

Следи снег и заладување Од ЦУК и УХМР предупредуваат дека опасноста не е помината. Под влијание на циклонска активност и продор на студен воздух, дождот денеска ќе премине во снег на планините и некои пониски места. „Во деновите од викендот, особено во сабота, повторно ќе има локални врнежи од дожд и снег кои наместа ќе бидат пообилни“, најавуваат метеоролозите.

Граѓаните се повикуваат сите итни случаи да ги пријавуваат на бројот 112.

Поврзани теми:

избор|Кичево|тетово|евакуација|гостивар|поплави

Повеќе на оваа тема:

Најнови вести од: Македонија

(Фото): Нема да дозволиме профитерство, рече Мицкоски по средбата со газдите на маркетите

По средбата на претставниците на маркетите и премиерот во Владата е заклучено дека не треба да има ново зголемување на цените. Премиерот порача дека нема да се дозволи профитерство на грбот на граѓаните.

(Видео): Синдикатот за култура со кривична за министерот Љутков – тој пак тврди: Барањата за раст на платите се незаконски

Синдикатот за култура поднесе кривична пријава против министерот за култура, за злоупотреба на службената положба и кршење на правата на вработените. Според претседателката на синдикатот, Вера Атанасовска министерот со инструкции испратени по е-пошта се обидел да ги поткопа правата на вработените и колективните договори. Синдикатот наведува дека повеќе од 800 пријави се поднесени од вработените во културата и дека постојат правосилни судски одлуки во нивна корист.

Николоски од Вашингтон: Разговаравме за економска соработка, енергетската транзиција и изградба на коридори

На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

Кај судијата Ѓоко Ристов пронајдени судски предмети, кои не ги гибал сѐ до истекување на роковите, најверојатно за да застарат!

Судскиот совет констатира сериозни сомнежи за несовесно и нестручно постапување на судија од Апелациониот суд Скопје, поради неразумно одолжување на судски постапки што довело до апсолутна застареност на предмети. Во извештаите се наведува дека дел од предметите биле чувани во фиока сè до истекување на роковите за кривичен прогон. Иако на седницата не беше јавно посочено името на судијата, досегашните сознанија имплицираат дека е тоа судијата во Апелацискиот суд Ѓоко Ристов. Против него и порано беа поднесувани анонимни претставки до Судскиот совет.

Попов: Македонскиот јазик не е „вештачка конструкција“ и борбата за него не е завршена! Стратегиските партнери треба да помогнат за спорот со Бугарија!

–Официјализирањето на македонската азбука и на македонскиот стандарден јазик не е никаква „вештачка конструкција“, туку логичен тек на долговековниот просторен и временски континуитет на македонскиот јазик и неговите дијалекти на цела територија. Тој има долга историја и особен влог во рамките на групата на словенски јазици и светското јазично семејство. Но борбата за зачувување на македонскиот јазик не е завршена. Таа мора да трае и да продолжи пред меѓународните институции за човекови права бидејќи неговата официјална употреба од страна на деловите на македонскиот народ во соседните земји е оневозможена со преземените обврски со потпишаните меѓународни договори. “ – нагласи Живко Попов, претседателот на Македонската академија на науки уметности, денес во своето годишно обраќање. .

Уставниот суд ги отфрли иницијативите, со кои се оспоруваше уставноста на „Безбедниот град“

Уставниот суд ги отфрли иницијативите да се оспори системот „Безбеден град“, односно дел од одредбите на Законот за прекршоци. Иницијативи со кои се бараше да се оспори „Безбеден град“ поднесоа двата дела на Алијансата за Албанците, предводени од Зијадин Села и од Арбен Таравари, како и студентот Или Пачуку, поради неупотребата на албанскиот јазик во пораките за прекршоци. Забелешката е и за, како што се тврдеше, „спроведувањето на системот само во Скопје, Тетово и во Куманово“, потоа и за обврската за поседување мобилен телефон и интернет-адреса заради доставување на пораките, но и за наводна „селективна примена на Законот и за дискриминација на Албанците“. Со иницијативите се бараше Уставниот суд да ги поништи „спорните“ одредби.
Сите вести од Македонија

Најнови вести

To top