Свет

Русите одговорија за нападот врз вилата на Путин: Употребија „Орешник“ во близина на границата со Полска(ВИДЕО)

Во ноќта помеѓу 8 и 9 јануари 2026 година, Русија изврши еден од најсериозните напади врз Украина од почетокот на годината, повторно користејќи ја балистичката ракета со среден дострел „Орешник“ – првпат по повеќе од една година.

3 минути за читање

Во ноќта помеѓу 8 и 9 јануари 2026 година, Русија изврши еден од најсериозните напади врз Украина од почетокот на годината, повторно користејќи ја балистичката ракета со среден дострел „Орешник“ – првпат по повеќе од една година. Ракетата беше насочена кон поширокиот регион Левов, град на само педесетина километри од полската граница, што предизвика дополнителна загриженост кај европската јавност.

Руското Министерство за одбрана соопшти дека „Орешник“ бил испален како одговор на наводен „терористички напад“ со украински беспилотни летала врз резиденцијата на претседателот Владимир Путин во Валдај кон крајот на декември 2025 година. Москва тврди дека нападот погодил објекти поврзани со производство на дронови и клучни елементи од енергетската инфраструктура.

Украина категорично ги негираше обвинувањата, обвинувајќи го Кремљ дека користи лажни или непроверени тврдења за оправдување на масовни напади врз цивилни цели.

Украинските воздухопловни сили потврдија дека балистичките ракети биле лансирани од полигонот Капустин Јар, познат по тестирање и лансирање на ракети со среден дострел. Поради тоа, низ цела Украина беше прогласена општа ракетна тревога.

Според официјалните податоци од Киев, најмалку четири лица загинаа во главниот град, а 13 се повредени. Градоначалникот Виталиј Кличко преку Телеграм изјави дека три лица се хоспитализирани, а станбени згради во неколку области претрпеа штета од беспилотни летала и паѓање остатоци.

„Непријателот изврши масовен напад со експлозивни беспилотни летала и ракети во текот на ноќта. Воздушната одбрана беше ефикасна, но последиците се тешки“, рече Кличко.

Гувернерот на областа Лавов, Максим Козицки, потврди дека регионот бил погоден од ракета, но дека засега нема жртви. Градоначалникот Андриј Садови истакна дека цел била „критичната инфраструктура“.

Нападот врз Лавов носи силна симболична и стратешка тежина, бидејќи градот е најголемиот во западна Украина и клучен логистички центар за европската помош.

Претседателот Володимир Зеленски пред нападот предупреди дека Русија подготвува голема офанзива, особено по отфрлањето на европскиот план за распоредување мултинационални сили по војната.

„Исклучително е важно да се обрне внимание на предупредувањата за воздушен напад и секогаш да се засолни во засолништа. Русите не се променија. Тие се обидуваат да ги искористат временските услови и зимата“, рече Зеленски.

И покрај дипломатските разговори за мир, Русија продолжува со интензивни напади врз енергетската инфраструктура. Последните удари оставија над еден милион луѓе во регионот Дњепропетровск без греење и вода во услови на екстремно ниски температури.

Користењето на „Орешник“ врз Лавов ги зголеми стравувањата дека војната влегува во нова, поопасна фаза со оружје што досега ретко се користело на европско тло.

Поврзани теми:

„Орешник“|полска|Левов|Украина|војна|топ|Русија

Повеќе на оваа тема:

Најнови вести од: Свет

Водачот на најбројната бунтовничка група во Колумбија ФАРК повика на „обединување за борба против американска интервенција“

Водачот на најбројната бунтовничка група на Револуционерните вооружени сили на Колумбија (Fuerzas Armadas Revolucionarias de Colombia – FARC), Нестор Грегорио Вера, во видео порака, повика на обединување на сите герилци во оваа латиноамериканска земја со цел „борба против американската интервенција“. „Сенката на интервенционистичкиот орел се надвива подеднакво над сите. Судбината нè повикува да се обединиме. Ние не сме раштркани сили, ние сме следбеници на истата цел. Да го покажеме нашето единство со дела и да создадеме голем блок со кој ќе го истиснеме непријателот од нашата татковина“, им порача Грегорио Вера на членовите на Националната ослободителна армија (ELN) и Боливарската герилска армија, групи кои се отцепија од FARC.

Алис Вајдел, АФД: ЕУ и нејзината диктатура мора да бидат распуштени, Урсула Лаен не може да ја одредува судбината на Европа!

Алис Вајдел, претседателката на десничарската партија Алтернатива за Германија, им се обрати на граѓаните на Германија во видео-порака, во која го најави можното „излегување на Германија од Европската Унија“, ако оваа десничарска партија застане на кормилото на германската држава. Според анкетите спроведени од неколку истражувачки агенции од почетокот на јануари оваа година, германската партија AfD (Алтернатива за Германија) води со неколку процентни поени и е на врвот на германските партии, кои уживаат најголема доверба кај Германците.

Мелони: Трамп нема намера насилно да ги анектира Грендланд и Панамскиот канал, туку ѝ праќа порака на Кина!

Претседателката на Владата на Италија Ѓорѓа Мелони изјави дека САД немаат намера „насилно да ги анектираат“ Гренланд и Панамскиот канал. Таа смета дека изјавите на Доналд се порака насочена кон Кина. Таа вели дека „исклучува оти САД насилно ќе припојат територии од нивни интерес во наредните години“, нагласувајќи дека Кина е многу заинтересирана за овие […]

Во Словенија во средно училиште ученик со нож избодел соученичка

„Меѓу учениците се зборува дека полицијата пронашла документи во училишниот тоалет, што би можеле да бидат поврзани со нападот. Се верува дека станува збор за некаков вид списоци.“ – објави „Соботаинфо“, не наведувајќи дали ученикот-напаѓач можеби имал намера да напаѓа со нож и други соученици, според тие списоци?!
Сите вести од Свет

Најнови вести

To top