Македонија

Само еден од тројца Бугари дава поддршка за Македонија да влезе во ЕУ

Според европратеникот причината за малата поддршка за Македонија не е вина на бугарската туку исклучиво на македонската политика

2 минути за читање

Само 34,2 проценти од граѓаните на источниот сосед или само еден од тројца Бугари испитаници дава поддршка за Македонија да влезе во ЕУ.

Ова го покажуваат одговорите на прашањето кои кандидати за членство во ЕУ ги поддржуваат Бугарите кои се дадени во рамки на националната репрезентативна анкета на агенцијата „Мјара“.

 

Според европратеникот Кристијан Вигенин резултатите не се само љубопитна статистика, туку основа за анализа, како и насока за донесување одлуки за овие чувствителни прашања.

Според него скромната поддршка за Република Македонија е причина за размислување во Скопје.

Вигенин прашува со оваа политика кон Бугарија и Бугарите, каде ќе заврши нивната земја?

Според анкетата речиси секој втор бугарин или 46,2 проценти од испитаниците не даваат поддршка Македонија да стане членка на ЕУ.

Нешто помалку од 20 проценти или еден од 5 Бугари немаат став за членството на Македонија во ЕУ.

 

Најголема поддршка за влез во ЕУ Бугарите и даваат на Србија, 58,3 посто.

Следуваат Црна Гора и Босна и Херцеговина со 46,7 и 44,2 проценти.

 

Албанија со 36,3 проценти е едно место пред Македонија на листата за поддршка од бугарските граѓани а најмала поддршка за влез во ЕУ има Украина со само 26,2 проценти.

Поврзани теми:

топ|Македонија|Бугарија|анкета|влез вк ЕУ

Повеќе на оваа тема:

Најнови вести од: Македонија

Едно избирачко место воопшто не е отворено, во останатите гласањето се одвива непречено

До 9:00 часот утрово излезеноста за повторните локални избори во општина Врапчиште е еден процен или гласале 272 лица, во општина Гостивар 0,93 проценти или 651 гласач, во Маврово – Ростуше 2,89 отсто или 306 лица, додека во општина Центар Жупа 0,75 проценти или гласале 57 избирачи, соопшти Државната изборна комисија (ДИК).

Утринава на Попова Шапка најстудено, минус 8 степени, но и најмногу снег, 31 сантиметар

Времето денеска ќе биде променливо облачно и студено, претпладне со повремени локални врнежи од снег, попладне врнежите ќе престанат. Ќе дува умерен, а долж Повардарието засилен ветер од северен правец. Максималната температура ќе биде во интервал од -1 до 5 степени. Во Скопје, променливо облачно и студено. Претпладне со повремен слаб снег. Ќе дува умерен, во делови од котлината повремено засилен ветер од северен правец. Максималната температура ќе достигне до 3 степени.

Нобеловиот институт ja отфрли замислата на Мачадо да му ја „отстапи“ на Трамп наградата за мир

Нобеловиот институт објави во саботата дека Нобеловата награда за мир не може да се пренесе на друга личност, да се подели или да се одземе, откако лидерката на венецуелската опозиција Марија Корина Мачадо, изјави дека може да му ја отстапи наградата за 2025 година на американскиот претседател Доналд Трамп.

За Беџети, „кандидат за нобеловец за економија“, „легитимно е РСМ да се федерализира, а да се смени антиалбанскиот устав“!

„Барањето за федерализација на Македонија е легитимно, но тоа беше поништено уште во 2001 година. Албанската политика сега нема моќ ниту да го отстрани терминот ‘20 проценти’ во антиалбанскиот устав.“ – наведува д-р Неџат Беџети, професор по економија во државниот Универзитет во Тетово, кој инаку беше предложен од група од негови колеги-економисти во декември 2023 година како „кандидат за добивање Нобелова награда за економија“, со образложение дека „развил ‘Теорија на економскиот развој заснована врз демографското концентрирање“. Кандидатурата на Беџети била пријавена во Комитетот за Нобеловата награда, но друг ја имаше добиено.

Денес повторни избори за градоначалник во четири општини

Во општините Гостивар, Маврово – Ростуше, Врапчиште и Центар Жупа денеска се одржуваат повторени избори за градоначалник, откако на првиот круг на локалните избори на 19 октомври минатата година не беше постигната законската излезност од најмалку една третина (33,33 проценти) од запишаните гласачи, што е услов изборите да се сметаат за успешни.

Македонија воведува најстроги забрани против пушење, казни за граѓаните и до 300 евра

Државата подготвува целосно нов и значително построг Закон за заштита од пушење, со кој драстично се заоструваат правилата за употреба, продажба, рекламирање и промоција на тутунските и никотинските производи.
Сите вести од Македонија

Најнови вести

To top