Македонија

Ѓорѓиевски: Од утре нов лик на кејот на Вардар, започнува реконструкцијата на спортските терени!

„Кејот на Вардар од утре започнува да добива нов лик! Вечерва, заедно со министерот за спорт Борко Ристовски, извршивме обиколка на кејот на реката Вардар. Од утре официјално започнуваме со реконструкција на спортските терени, со што овој простор ќе прерасне во современ спортско-рекреативен центар отворен за сите генерации.“ – објави градоначалникот на Скопје Орце Ѓорѓиевски на својот официјален фејсбук-профил.

1 минута за читање

Натаму Ѓорѓиевски истакнува: Кејот ќе добие нови и целосно реконструирани терени за фудбал, одбојка и баскет, нова урбана опрема, како и модерни фитнес зони на отворено, достапни за секој граѓанин. Со проектот се опфатени и спортските терени во Маџир Маало, кои исто така ќе бидат унапредени и ставени во функција на заедницата. Спортот е темел на здраво општество. Тој гради дисциплина, самодоверба, заедништво и ги оддалечува младите од лоши навики.

Инвестирањето во спортски терени значи инвестирање во здравјето на граѓаните, во енергијата на младите и во иднината на Скопје. Ова е само почеток. Нашата визија е да обезбедиме современи и достапни спортски терени во сите општини на град Скопје. Рамномерен развој, еднакви можности и активен живот за секој скопјанец, без разлика каде живее.

Скопје се движи напред. Скопје спортува. Скопје вложува во својата иднина. Најдоброто, доаѓа! – порача градоначалникот на Скопје Орце Ѓорѓиевски преку фејсбук.

Поврзани теми:

актуелно|градоначалник на Скопје Орце Ѓорѓиевски|реконструјкција на кејот на Вардар

Најнови вести од: Македонија

Мицкоски: Ако треба да падне Владата, поради „Безбеден град“, подготвен сум на тој ризик

Претседателот на Владата, Христијан Мицкоски вечерва на гостувањето во „Клик Плус“ на ТВ21, зборувајќи за проектот „Безбеден град“, истакна дека е подготвен да понесе ризик дури и да падне владата за проектот.

Мицкоски: 450 камиони од Македонија не може да ја загрозат европската економија, ЕУ треба да покаже дека стои зад своите партнери и да ја повлече одлуката

„450 камиони од Македонија не може да ја загрозат европската економија, ЕУ треба да покаже вистински како седи зад своите партнери и да ја повлече одлуката, за што е оптимист“, порача премиерот Христијан Мицкоски во гостувањето на ТВ21.

Мицкоски: Целта на синдикатите не е повисоки плати, туку да ѝ наштетат на Владата, не се борат за работнички права!

Секој има право да протестира, рече вечерва премиерот Христијан Мицкоски во врска со утрешниот протест на дел од синдикалните организации. Тој посочи дека нема ништо против повисоки примања, но смета дека целта на синдикатите е политичка пресметка, а не повисоки плати за работниците.Секој треба да добие повисоки примања, тука нема дилема, ниту пак некој има спротивно мислење, но тоа кое што треба да се каже е фактот дека неколкумина од водството на овој синдикат се апсолутно заробени од страна на одредени политички амбиции и политички фигури, нагласи Мицкоски

Мицкоски: СДСМ и ДУИ ѝ врзаа јамка на државата и сега мудруваат, за следните 3 години треба да вратиме долгови од 6 милијарди евра!

Претседателот на Владата, Христијан Мицкоски во гостување на „Клик Плус“ на ТВ21, истакна дека македонските граѓани треба да ја знаат вистината, затоа што СДСМ и ДУИ и врзаа јамка на државата, а сега мудруваат, односно дека заради нивните долгови, оваа влада треба следните 3 години да врати претходни долгови во вредности од еден државен буџет од околу 6 милијарди евра.

Андоновски: До крајот на годината очекувам 20 до 30 нови електронски услуги

Дваесет до триесет нови електронски услуги очекува министерот за дигитална трансформација, Стефан Андоновски до крајот на годината. Говорејќи за зголемувањето на бројот на електронски услуги, како и за дигитализацијата генерално во интервју за ТВ Алфа Андоновски вечерва истакна дека постои можност и за надминување на оваа бројка и напомена дека дел од тие услуги ќе се однесуваат на работи поврзани со ФЗОМ.

Мицкоски: Кога соседите се почитуваат, кога културите се среќаваат и се надополнуваат, се отвораат нови можности и заеднички хоризонти

„Вечерва бев на Светосавската свечена академија, на настан кој со својата духовна и културна димензија нѐ потсетува на трајните вредности што нѐ поврзуваат. Денешниот ден посветен на светителот Сава ги истакнува просветата и духовното единство на српскиот народ, вклучително и на граѓаните кои живеат тука во Македонија, но во исто време е еден од камен темелниците на балканското духовно и културно наследство заедно со светлите ликови и датуми на останатите балкански народи.“ – објави премиерот Христијан Мицкоски преку објава на „Фејсбук“.

Совет на амбасадори на РМ: ЕК да ги изземе професионалните возачи од Западниот Балкан од ЕТИАС, за да не се нарушат пазарите

Советот на амбасадори на Репубглика Македонија изразува сериозна загриженост во врска со најавената примена на ЕТИАС системот (European Travel Information and Authorisation Sistem) која веќе резултира со блокади на граничните премини во земјите од Западниот Балкан. Забавувањето на транспортот од Западниот Балкан има негативен ефект врз трговијата, инфлацијата и конкурентноста на европската економија. Професионалните возачи не се „класични“ патници, туку дел од критичната транспортна инфраструктура за функционирање на пазарите во Западниот Балкан и во Европската Унија. – порачува Советот на амбасадори.
Сите вести од Македонија

Најнови вести

To top