Поранешната македонска амбасадорка во Берлин Корнелија Утевска Глигоровска со анализа и став за најновиот германски предлог за ЕУ во две брзини.
Екс амбасадорката реторички прашува дали вреди Македонците со сменет идентитет односно кало ,,Северњаци” да влезат во ЕУ со забавена брзина која таа ја нарекува ,,беззначајна, темна и магловита европска орбита…”.
,,”Европа со две брзини” – ова е најновиот предлог за трансформација на ЕУ од пред неколку дена. Сега како автор се потпишува Ларс Клингбајл, потпретседал на владата, министер за финансии и лидер на Социјал-демократската партија, помалиот коалиционен партнер во германската влада. Точно 26 години од првиот, изнесен од Јошка Фишер, тогашниот министер за надворешни работи на Германија во владата на Герхард Шредер (СПД) во неговиот познат говор на Универзитетот Хумболд во Берлин во 2000 година”, вели Утевска Глигоровска која потсетува дека предлогот тогаш наиде на критика, предизвика дискусии и не беше прифатен.
Амбасадорката вели дека Клингбајл сега само го извадил стариот предлог од фиока и сега (како и оној тогаш) се предвидува формирање на јадро од 6 европски земји – Е6, кои побрзо ќе донесуваат одлуки и ќе бидат поединствени.
,,Составот на Е6 (Германија, Франција, Полска, Холандија, Шпанија и Италија) овојпат е малку поразличен, прилагоден на потребите на денешницава, но супата е одамна зготвена, сега само стоплена”, смета амбасадорката според која Европската унија е во тешка ситуација, за која самата е виновна.
,,Паниката во ЕУ е голема, причините се многубројни. ЕУ го губи економското и политичкото значење, земјите се “гушат” во проблемите со мигрантите кои донесоа зголемување на криминалот (кражби, убиства, силувања – дневно во Германија се случуваат по две групни силувања, да не зборуваме за поединечни, приближно 100% извршени од странци) тромоста во донесување на ЕУ-одлуките е голема, демократијата и слободата на говор се повеќе се ограничува, постои неверојатна заслепеност во поддршката на Украина и санкциите кон Русија… безброј проблеми, различни мислења и ставови меѓу земјите-членки, малку мудри одлуки. Брисел самодоволно се одлепува од реалноста. Европската унија самата се поткопува”, вели Утевска Глигоровска која поставува прашање дали во ситуација на безизлезност, се бара нов квалитет, нов начин на функционирање и дали времето созреа за вакви драстични промени.
,,Кон која ЕУ се стреми Македонија, на која и го сменија идентитетот токму за таа цел? Како северњаци ќе можеме да станеме (ако воопшто) дел од некоја си беззначајна, темна и магловита европска орбита… и ништо повеќе. Вреди ли???”, реторички прашува амбасадорката која одлично ја познава соатојбата во Германија и ЕУ.