Претседателот на САД, Доналд Трамп, најави итен одговор на иранскиот напад со беспилотни летала врз амбасадата на САД во Ријад, кој предизвика мал пожар и штета, но според извори на Ројтерс, немало повредени бидејќи зградата била празна.
Нападот со беспилотни летала се случил во услови на континуирани ирански ракетни и беспилотни напади врз земјите од Персискиот Залив кои се домаќини на американски воени бази, по нападите на САД и Израел врз Иран во саботата.
Трамп синоќа објави порака на својата платформа Truth Social во која обзнани дека САД имаат рекордни залихи на муниција со средно и високо ниво.
Како што напиша,му било кажано дека САД имаат практично неограничени залихи од ова оружје.
„Војни можат да се водат засекогаш и многу успешно користејќи само овие залихи“, рече тој.
Тој го обвини Џо Бајден дека потрошил стотици милијарди долари американски пари давајќи ѝ на Украина врвно оружје без да ги надополни залихите.
Трамп тврди дека ја обновил армијата за време на неговиот прв мандат и продолжува да го прави тоа.
„Соединетите Американски Држави се добро снабдени и подготвени да извојуваат ГОЛЕМА ПОБЕДА“, заклучи Трамп.