СДСМ ја осуди изјавата на премиерот Христијан Мицкоски дека судскиот процес за настаните од 27 април 2017 година во Собранието е „политички монтиран случај“.
„Насилници со јасна намера влегоа во Собранието, да убиваат пратеници, да повредуваат новинари и вработени и да го урнат уставниот поредок. Тие беа осудени врз основа на докази, а не на „политички налог“. Сега Мицкоски сака да ги претстави како жртви и да ја рехабилитира насилната банда која го нападна Собранието, пратениците, новинарите, вработените“, се вели во соопштението на опозициската партија.
„СДСМ јасно и недвосмислено порачува: 27 април не е политички случај. Тоа е напад врз демократијата. Ние нема да дозволиме да се рехабилитираат насилниците. Доаѓа времето на вистината, правдата и одговорноста!“, порачаа од партијата на Венко Филипче.