Комисијата за заразни болести, формирана од Министерството за здравство, одржа состанок за да ја разгледа состојбата во врска со појавата на кластер на хантавирус – варијантата на Andes вирусот – на глобално ниво и оцени дека во нашата земја ризикот од појава и ширење на вирусот е низок, додека здравствениот систем е подготвен да се справи со евентуална појава на инфекцијата, соопшти Министерството за здравство.
„Институтот за јавно здравје располага со реагенси за лабораториска потврда на вирусот, како и стандардни оперативни процедури за дијагностицирање на овој вирус.
Универзитетската клиника за заразни болести и фебрилни состојби има соодветни капацитети за третман на евентуални пациенти со симптоматологија карактеристична за инфекција со хантавирус – варијантата на Andes виирусот, има соодветни услови за интензивна нега, механичка вентилација и респираторна поддршка.
Комисијата нагласи дека варијантата на Andes вирусот, за разлика од другите варијанти на хантавирус, има можност за пренесување од човек на човек при близок и продолжен контакт, но важно е да се нагласи дека пренесувањето не е брзо и лесно како кај инфекциите со коронавирус“, објасни Министерството за здравство.
СЗО: Кризата со Хантавирусот не може да се спореди со Ковид 19