Македонија

СДСМ се откажал од законот за промена на пол на деца без согласност од родителите

,,Конкретно мислам на Законот за матична евиденција, кој предвидуваше промена на пол на малолетни лица без согласност од родителите“, напиша Костадинов

2 минути за читање

СДСМ тврди дека се откажал од законот за промена на пол на деца без согласност од родителите.

Реакцијата од Бихаќка доаѓа откако Костадин Костадинов, поранешен градоначалник на Струмица и член на СДСМ, јавно се спротивстави на Законот за матична евиденција, кој предвидуваше можност за промена на пол кај малолетни лица без согласност од родителите.

СДСМ сега тврди дека се работи за стар закон кој сега не е на дневен ред во партијата.

,,Немаме време за дефокус. Ова не е вистина. Законот за кој зборува Костадинов е повлечен од владина и собраниска процедура во март 2022 година, и тој закон нема никаква врска со нашата нова програмска платформа”, објави СДСМ.

Во објава упатена до своите сопартијци, Костадинов порача дека ваквото решение не претставува социјалдемократска идеја и побара законот да не помине.

„Сметам дека на сите ни е јасно дека ова не е социјалдемократска идеја. Конкретно мислам на Законот за матична евиденција, кој предвидуваше промена на пол на малолетни лица без согласност од родителите“, напиша Костадинов.

Тој посочува дека верува во потребата од заштита на маргинализираните групи, но смета дека постојат граници.

— реклама —

„Јас искрено верувам во добрите намери на социјалдемократијата да заштитува маргинализирани групи, но некои работи се едноставно премногу“, додава тој.

— реклама —

Костадинов повика на обединување во партијата околу ова прашање, оценувајќи дека мнозинството членови на СДСМ ќе бидат на иста страна.

„Во име на консолидацијата, убеден сум дека огромното мнозинство од моите партиски другари, со кои низ годините сум имал различни ставови по многу основи, овој пат ќе бидеме на иста страна. Ова не треба да помине!“, наведува ексградоначалникот.

На крајот, тој повика СДСМ да се врати кон, како што вели, вистинските социјалдемократски вредности.

„Да ја подигнеме социјалдемократијата онака како што и личи како државотворна, прогресивна партија на граѓаните и за граѓаните!“, напиша Костадинов. објави Скопје1.мк

Поврзани теми:

Промена на пол|топ|СДСМ

Повеќе на оваа тема:

Најнови вести од: Македонија

Хрисохоидис: Добивме поплаки, но мора да се спроведе целосно системот за биометриска регистрација, ЕУ инсистира на тоа!

„Мора да ја спроведуваме европската легислатива, бидејќи Европската комисија инсистира на целосна примена.“ – посочи министерот за заштита на граѓаните на Грција Михалис Хрисохоидис говорејќи за системот за биометриска регистрација на државјани на трети земји на граничните премини. Тој нагласи дека за ЕЕС системот „добил поплаки од неговите колеги од С.Македонија и Србија.“ – јави Македонската информативна агенција-МИА од Атина.

Касами од Вреди се сретна со лидерот на албанските демократи Бериша во Тирана, заради „подобрување на меѓуалбанската соработка во регионот“

Градоначалникот на Тетово и еден од лидерите на партијата Вреди Билал Касами, одржа средба во Тирана со поранешниот премиер на Албанија и лидер на Демократската партија Сали Бериша.

Зошто се „растрча“ Али Ахмети на средби со членови на Конгресот, веднаш откако САД објавија дека нема да интервенираат повеќе во Балканот?!

Делегација на ДУИ предводена од Али Ахмети во посетата на Конгресот, само неколку дена откако Стејт Департментот на САД соопшти дека САД ја менува својата доктрина за Балканот!

„Нетпрес“: Абдулвехап Хусеини, инвеститорот што направи инцидент при градбата на „Тедоосиј Гологанов“, во слободно време е раководител во Центарот за социјално во Тетово

Абдулвехап Хусеини, сопственик на една од фирмите инвеститори на зградата на булеварот „Теододсиј Гологанов“, каде што при копање на дупка се случи свлечиште на зeмјиштето, работи и како раководител на сектор во Центарот за социјални грижи во Тетово, објави ТВ Телма. Тој раководи со секторот Права, а бил пријавен и за „несовесно работење во службата“. Се спогодил со обвинителството, а на државата и вратил 18.000 денари. Како што објави Телма, вработена во центарот го пријавила за мобинг, но судот пресудил во корист на Хусеини, објави информативната агенција „Нетпрес“.

Мицкоски: Ќе оствариме сѐ од реформската агенда, освен промена на Уставот! Ќе ги изолираме опозицијата и нејзината кампања за тоа!

Премиерот Христијан Мицкоски денеска од собраниската говорница истакна дека Македонија и во јунскиот извештај за реформската агенда ќе биде пред и оние, кои се сметаат како предводници. Тој очекува остварување побрза и поголема правда одошто порано, затоа што, како што рече, и граѓаните не се задоволни од спора правда. – Се разбира дека не само јас и граѓаните, Ќе се согласиме сите дека правдата е премногу бавна, или воопшто ја нема, и оти не сме задоволни. Поврзано со остварувањето на правдата очекувам во периодот кој следи побрза и поголема правда одошто порано. Имаме околу 120-130 ревизорски извештаи на институции доставени до обвинителството, барем ревизорите велат дека констатирале многу незаконитости, очекувам барем врз основа на тие ревизорски извештаи да се постапува и да се оствари правда, изјави Мицкоски, одговарајќи на денешната собраниска седница за пратенички прашања.

Кос: На ЕУ ѝ треба „поинаков систем“ за проширување, но не и попуштање околу владеењето на правото, независното судство и борбата против корупцијата

Европската комесарка за проширување Марта Кос за денешното издание на „Фајненшел тајмс“ оцени дека Брисел мора да биде иновативен, нагласувајќи дека без оглед на можната реформа на проширувањето, нема попуштање кога станува збор за основните принципи и стандарди, поврзани со владеењето на правото, независноста на правосудството и корупцијата.
Сите вести од Македонија

Најнови вести

To top