Фудбалската репрезентација на Македонија вечерва се врати од Турција во татковината со задоцнување од повеќе од шест часа по проблемите со авионот од Истанбул.
Веднаш по полетувањето, од безбедносни причини, тој бил вратен на местото на полетувањето поради технички проблем.
По краткото задржување и проверките, чартер-летот по вторпат се упатил кон Македонија без дополнителни компликации, а македонската експедиција без проблеми пристигна во Скопје.
„Црвено-жолтите“ синоќа му спарингуваа на учесникот на претстојното Светско првенство, Турција, од која загубија со 4:0.