Груевски за Унгарија не избегал од дома, туку од Охрид, поточно од хотелот „Ројал вју“ лоциран на самиот брег на Охридското Езеро околу 02.40 часот по полноќ, на 10-ти ноември 2018 година.
Ова во емисијата ,,На кавга со Иван” го тврди Александар Маленко кој го пречекал екс премиерот Груевски во хотелот на неговата екс сопруга.
Според тврдењето на Александар Маленко Никола Груевски не избегал од дома во Скопје, туку од хотелот „Ројал Вју“ (Royal View) во Охрид, кој се наоѓа на самиот брег на Охридското Езеро.
Датум и време на бегството според него е 10 ноември 2018 година, околу 02:40 по полноќ.
Маленко тврди дека тој лично ја отворил гаражата на хотелот за да излезе Груевски кој заминал со Passat автомобил, кој го управувал неговиот шофер а во колата биле и луѓе од неговото лично обезбедување.
Семејството на Груевски, сопругата и ќерките, останале во хотелот и го продолжиле престојот.
Според Маленко Груевски во Охрид пристигнал три дена претходно — на 7 ноември 2018 навечер со две возила, едно возило на МВР од Шестата управа — обезбедување и следење и
неговото приватно возило со шофер и обезбедување.
Груевски стигнал со семејството а
Маленко ги пречекал во гаража.
Престојот бил најавен по протокол од МВР како ВИП гости, без да се каже точно за кого станува збор што е стандардна безбедносна процедура.
Груевски подоцна стигна во Будимпешта, Унгарија, под неразјаснети околности, откако преходно поминал преку Албанија, Црна Гора и Србија.
Во Македонија беше отворена истрага, но никој не сносеше одговорност.