Македонија

Фрчкоски и Георгиевски: Закани за справување со две телевизии и 30 портали (ВИДЕО)

Мистериозна порака до 32 македонски медиуми што може да им се случи ако СДСМ повторно дојдат на власт

2 минути за читање

Главниот идеолог на СДСМ, екс министерот за внатрешни и надворешни работи Љубомир Фрчкоски најавува ,,справување” со 32 македонски медиуми.

Фрчкоски и екс премиерот Љубчо Георгиевски во подкаст зборуваат за две национални телевизии Алфа и Канал 5 и 30 портали кои според нив биле дел од некаква орбановско – вучиќева структура и дека со нив ќе се ,,справувале”.

Оваа порака за ,,справување” на Фрчкоски како човек што во круговите блиски на СДСМ се смета за главен кандидат за иден министер за внатрешни работи ако неговата партија дојде во догледно време на власт, може да се толкува како закана за затворање на медиуми кои СДСМ не ги смета за пријателски.

СДСМ пред неколку години додека беше на власт преку тогашната портпаролка а сега член на извршниот одбор Богданка Кузевска јавно се закануваше со мерки против Алфа ТВ.

Сите истраги за наводен криминал кои ги водеа луѓето на Заев и Филипче пропаднаа но тоа не му пречи на Фрчкоски да се заканува дека ќе се справува со медиумите.

Точната бројка од 30 портали која е наведена покажува дека Фрчкоски точно знае кои медиуми се на листата за ,,отстрел” односно за справување.

Засега молчат и Здружението на новинари, АВМУ, Синдикатот на новинари и невладините кои се занимаваат со медиумските права и слободи.

Поврзани теми:

медиуми|топ|СДСМ|Фрчкоски|справување

Повеќе на оваа тема:

Најнови вести од: Македонија

Разидувања во Владата на Бугарија?! – МВР дало дозвола за блокада на три македонски гранични премини, но за МНР Чамова „тоа ќе биде контрапродуктивно за Бугарија“!

Бугарското Министерство за внатрешни работи дало дозвола за блокада на три македонски гранични премини на 21 Јуни. Блокадата, која ќе трае 2 часа, е организирана од антимакедонската бугарска Фондација Македонија. Во најавата за блокадата на Деве Баир, Делчево и Ново Село се вели дека протестот е координиран со Министерството за внатрешни работи на Република Бугарија. Но, министерката за надворешни работи од истата Влада на Бугарија нагласува дека „ваквите иницијативи не се поврзани со активностите на бугарската влада и не придонесуваат за заштита на националниот интерес на Бугарија“! Значи ли ова дека за истата тема има разидувања во бугарската извршна власт?!

Мицкоски: В петок и сабота средби со Вреди и ЗНАМ за владината реконструкција

Премиерот и лидер на ВМРО ДПМНЕ Христијан Мицкоски денеска информираше дека во петок и сабота ќе се одржат средбите со коалициските партнери од Вреди и ЗНАМ, на кои ќе се разговара околу најавената реконструкција на Владата. „Соработката меѓу ВМРО-ДПМНЕ и Вреди останува стабилна и ќе продолжи да се развива во истиот правец.“ – нагласи Мицкоски.

Теодосиевски: Сектата СДСМ итно бара „Бугари во Уставот“ и да ѝ се седне на Бугарија во скут, што би бил историски, јазичен, идентитетски и национален масакр на Македонија!

„Ако ѝ седнете на бугарија в скут, тогаш следи историски, јазичен, идентитетски, национален масакр! Тоа ќе биде комплетен историски масакр на македонското право на сопствена историја, на саможртвата на оние национални револуционерни дејци, ќе биде черечење на македонскиот јазик како „блгарски дијалект“ (што неодамна, повторно, го слушнавме во Софија!), ќе претставува целосно откажување од македонските корени и национални проблесоци! Не е ли основен политички ред опозицијата конечно да се изјасни дали со прифаќањето на уцената „Бугари во Устав“ и т.н. „француска рамка“ за почеток на пристапните преговори едновремено ја прифаќаат и „заедничката историја“ и разрешување на оние „наследени политички и историски проблеми“, што им се вртат во главата на Радев и бугарските ултранационалисти? Зашто тој процес нема да биде уште една домашна политикантска манипулација како „Преспанскиот договор.“ – нагласува Златко Теодосиевски во својата колумна со наслов „Историски масакр во два чина, или: која историја (уште) ќе ја менуваат?“, објавена на порталот „Плус инфо“.

Георг Георгиев: Македонија ја нападна ЕУ!?

Нападот врз бугарската мисија во Скопје не е само напад врз една земја, туку е напад врз земја-членка на ЕУ, а во оваа смисла и врз целата Европска Унија, рече пратеникот од пратеничката група на ГЕРБ-СДС и поранешен министер за надворешни работи Георг Георгиев, кој од собраниската говорница прочита декларација во име на пратеничката група.
Сите вести од Македонија

Најнови вести

To top