Пожар е активен над Стар Дојран, во близина на границата со Република Грција, информираше Кире Михаилов преку објава на социјалните мрежи.
Според Михаилов, на терен се ангажирани голем број пожарникари, шумски работници и доброволци, кои се обидуваат да го стават пожарот под контрола.
Тој посочи дека на местото на пожарот е присутен и градоначалникот на Општина Дојран, Илија Тентов, кој ја следи состојбата на терен.
Засега нема информации за евентуална загрозеност на населени места или за причините за избувнувањето на пожарот.