Царинските службеници на граничниот премин Табановце, при влез во земјата, спречија обид за шверц на 348 грама златен накит, во вредност од 1,3 милиони денари
Случајот е откриен при детален претрес на автомобил во кој патувале брачен пар, државјани на Република Македонија со престој во Белгија, додека во торбата на патничката се пронајдени 26 парчиња златен накит.
Одделот за истраги при Секторот за контрола и истраги поднесе кривична пријава против неа за кривично дело „шверц“, казниво според Кривичниот законик.
Оваа година се откриени 13 случаи на шверц на злато, при што се запленети повеќе од 2,5 килограми златен накит и златни монети.