Македонија

Мисајловски: Продолжува осовременувањето на Армијата со нова опрема, униформи и вооружување

Министерот за одбрана Владо Мисајловски најави дека Армијата во наредниот период ќе добие значително нова опрема и вооружување, оценувајќи дека процесот на модернизација ќе овозможи нејзино зајакнување на, како што рече, највисоко ниво во историјата.

За време на посетата на касарната „Јане Сандански“ во Штип Мисајловски истакна дека Министерството за одбрана годинава е фокусирано на реализација на најголемите проекти за модернизација. – Сите оклопни возила „Страјкер“ веќе пристигнаа во државата. Очекувам до крајот на следниот месец да завршат сите активности за нивна адаптација и тие да бидат ставени во функција – изјави Мисајловски.

Тој најави дека до крајот на годинава се очекува испорака и на противвоздушните системи „Мистрал“, два хеликоптера и десет оклопни возила од Турција. Според министерот, паралелно се спроведуваат и повеќе постапки за набавка на ново вооружување, како и тендери за нова опрема за припадниците на Армијата.

– Во завршна фаза е постапката за набавка на повеќе од 4.000 униформи, а во тек е и набавката на околу 4.000 пара чизми. Истовремено работиме и со Европскиот мировен фонд, а се формира и нов фонд за модернизација кој ќе овозможи набавка на современи системи со поголема огнена моќ – рече Мисајловски.

Тој оцени дека резултатите од модернизацијата веќе се видливи, како во делот на инфраструктурата, така и во опремувањето на Армијата. – Следната година ќе има уште многу договори и проекти со кои Армијата дополнително ќе се зајакне. Чекор по чекор ја градиме модерна и силна армија – истакна Мисајловски.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

To top