Македонија

Извршен вонреден надзор во три болници по случајот со родилката која остана неподвижна по извршен царски рес

Инспекторатот проверува три здравствени установи

Државниот санитарен и здравствен инспекторат спроведува вонреден надзор во три здравствени установи за да се утврди зошто 19-годишната Станка Михајлова од струмичкото село Баница не може да оди по породувањето со царски рез во Клиничката болница во Штип.

Инспекторите ја проверуваат медицинската документација и третманот на пациентката во Општата болница во Струмица, Клиничката болница во Штип и Универзитетската клиника за неврологија во Скопје. Министерството за здравство најави дека по завршувањето на инспекцијата ќе следува и стручен надзор, по што ќе бидат разгледани евентуалните натамошни мерки.

Михајлова по породувањето има тешкотии со движењето и користи инвалидска количка. Семејството тврди дека проблемите биле присутни уште при нејзиното отпуштање од штипската болница, иако во документацијата било наведено дека е пуштена „во добра општа состојба“. Причината за нејзината состојба засега не е утврдена.

Според информациите, во изминатиот месец пациентката била подложена на повеќе од 27 прегледи, но сè уште не е утврдена причината поради која не може самостојно да оди. Таа моментално се лекува на одделот за неврологија во штипската болница.

Од Клиничката болница во Штип соопштија дека постоперативниот тек бил уреден и дека пациентката подоцна се јавила со слабост во долните екстремитети. Директорот Владко Захариев најави дека ќе има одговорност доколку стручниот надзор утврди лекарски пропуст.

Министерството порача дека случајот ќе биде испитан „темелно, професионално и до крај“ и дека ниту еден аспект нема да биде изоставен. Доколку се утврдат пропусти во лекувањето или постапувањето на здравствените работници, ќе бидат преземени мерки во согласност со законските надлежности.

Од институцијата апелираат да не се носат предвремени заклучоци за причината и евентуалната одговорност додека не завршат инспекцискиот и стручниот надзор. Министерството најави дека јавноста ќе биде информирана откако ќе бидат собрани медицинската документација и конечните наоди.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top