Министерството за надворешни работи (МНР) на Романија издаде предупредување до романските граѓани кои се наоѓаат или имаат намера да патуваат во Македонија во врска со метежот на граничниот премин Табановце предизвикан од проверките на возилата со странски регистарски таблички, како дел од системот „Безбеден град“, кој ги таргетира претходните сообраќајни прекршоци.
„Македонските власти објавија дека овој механизам за верификација ќе се прошири и на други гранични премини. МНР препорачува Романците да го избегнуваат граничниот премин Табановце во време на шпиц во сообраќајот, да ги презакажат своите патувања и да се осигурат дека немаат административни проблеми што би можеле да предизвикаат застои. Граѓаните можат да побараат конзуларна помош во Романската амбасада во Скопјe, а МНР ги потсетува да ја користат апликацијата ‘Патувај информиран’ за корисни информации“, се вели во соопштението.