Поспецијален пратеник на САД за Украина, Кит Келог, во интервју за YouTube каналот Naspravdi MAX, изјави дека ја поддржува мобилизацијата на украинските жени во армијата.
„Дали верувам дека жените треба да бидат регрутирани во војска? Мојот одговор е да, бидејќи тие се борат исто толку добро како и мажите“, рече Келог. Тој додаде дека „многу е важно жените, како дел од општеството, да служат“ и рече дека не гледа проблем во ова ниту лично ниту професионално.
Коментарите на Келог доаѓаат во време кога се води дебата за тоа како да се пополнат редовите на украинската војска.
И поранешниот украински министер за одбрана, Олексиј Резников, неодамна изјави дека Украина треба да размисли за воведување задолжителна воена служба за сите граѓани, без оглед на полот.
„Ако навистина сакаме да го решиме овој проблем, мора да ги погледнеме успешните искуства на земјите што имаат таков систем. Земјата што е најблиску до нас денес во однос на нивото на закана е Израел, каде што жените служат воена служба исто како и мажите“, изјави Резников за Радио Слободна Европа.
Резников нагласи дека мобилизацијата на жените би можела да го удвои бројот на луѓе достапни за воена служба. Според него, жените би можеле да преземат должности подалеку од бојното поле, што би пренасочило повеќе мажи кон борбени позиции. Тој додаде дека украинскиот парламент ќе мора да го измени законот за тоа.
Former Trump Ukraine envoy Keith Kellogg:
I believe women should be mobilized into the military because they fight every bit as well as men.
It is very important that women, as part of society, serve. I see absolutely no problem with it.
My wife was a paratrooper and jumped… pic.twitter.com/OCsTi2OZl5
— Clash Report (@clashreport) August 24, 2026