Македонија

Возобновената црква „Св. Недела“ во Скребатно, Охридско – исполнетиот сон на Божа Шикалоска (Видео)

„Света Недела“ е понова селска црква лоцирана во непосредна близина на живописното охридско село Скребатно. Се наоѓа на самиот пат до Скребатно, на околу еден километар под селото. Камен-темелникот на црквата бил осветен и поставен на 20 јули 2004 година, објави „Охридпрес“.

1 минута за читање

Медиумот натаму пишува: Црквата била подигната со средства на Борис и Љупчо Шикалоски, кои живеат во Охрид, но потекнуваат од Скребатно. Црквата е изградена по сон на Божа Шикалоска, сопруга на Борис Шикалоски. На сонот нејзиниот дедо ѝ кажал да го побара запоставеното црквиче „Св. Недела“.

Постарите мештани на Скребатно се сеќавале на вакво свето место и кога се започнало со копање каде што се наоѓа црквата бил пронајден еден камен со крст.

Црквата е подигната од делкан камен, со впишан крст во вид на тролисна детелина однадвор и кубе. Исто така, поседува и конаци и убаво уреден двор.

Фрескоживописот во црквата бил изработен од академскиот сликар Владислав Коцарев.

Видео

(Текст, фото и видео: „Охридпрес“)

Поврзани теми:

топ|Црква „Света Недела“ во Скребатно|Охридско|возобновена по сновидение

Најнови вести од: Македонија

Привремено се затвораат подрачните училишта во Габрово, Ѕвегор, Стамер и Вирче во делчевскиот крај, поради недостиг на ученици

Четирите подрачни училишта во општина Делчево привремено ќе престанат со работа, поради големото намалување на бројот на ученици и високите трошоци за нивно одржување. Одлуката беше изгласана на седница на Советот на Општина Делчево, по спроведената постапка за оптимизација на училишната мрежа.

Уапсени возачи од Србија и Холандија, кај Демир Капија возеле со 168 до 177 километри на час!

МВР информира дека синоќа во 22:15 часот на граничен премин Табановце, на излез од државата, полициски службеници извршиле проверка на патничко возило „мерцедес бенц“ со српски национални ознаки, управувано од 51-годишната И.М од Србија.

Барањата на земјоделците се легитимни, премиерот рече дека Владата ќе направи се да им помогне

Премиерот оцени дека барањата на земјоделците струмичко кои најавија протести се легитимни и владата преку механизмите кои ѝ стојат на располагање ќе направи се што е во нејзина можност за да им помогне.

Водата во четири тетовски села е забранета за пиење!

„Се информираат сите жители на селата Порој, Џепчиште, Голема Речица и Мала Речица од гробиштата во Мала Речица до Голема Речица дека, по извршените анализи за квалитетот на водата, е утврдено оти водата не ги исполнува условите за употреба како вода за пиење. Поради тоа, се забранува користење на водата за пиење сè до следното известување од надлежните институции”, соопшти тетовското јавно комунално претпријатие (ЈКП) „Шар“.

Шахистките на ШК „Алкалоид“ ја одбранија шампионската титула на Екипното државно првенство

Продолжија возбудувањата на екипните првенства на Македонија во шах во машка (10 екипи) и женска конкуренција (седум екипи) во Струга. Во дербито кај шахистките, бранителот на титулата Алкалоид го победи МШК Центар со 2,5-1,5 поени, а кај шахистите водечките екипи, актуелниот шампион Алкалоид и Гамбит Ассеко СЕЕ го задржаа водството со по максимални пет победи.

Се бара истрага за работата на спортските канали Арена во Македонија

Националните радиодифузери членки на Македонската медиумска асоцијација (ММА) и јавниот сервис МРТ се сериозно вознемирени од индициите дека со работењето на неколку нови телевизиски сервиси кои се креирани од српски компании блиски до државата, се заобиколуваат и злоупотребуваат македонските закони, се наведува во реакцијата на ММА и МРТ, а во врска со работењето на спортските канали Арена M1, M2 и M3 премиум.

Мицкоски: Засега нема нови критериуми за пристапување во ЕУ, изјавата на Кос не се однесуваше на Македонија

„Изјавата на еврокомесарката Марта Кос е дадена во поинаква конотација и таа не се однесува на Македонија како држава. Ние имаме целосно усогласена безбедносна и надворешна политика со Европската Унија. Работиме на реформската агенда и ќе направиме се да бидеме најдобри на тој план како и досега.“ – нагласува премиерот Христијан Мицкоски.
Сите вести од Македонија

Најнови вести

To top