Авторите што ќе конкурираат треба да ја имаат во предвид карактеристичноста
на македонската фолклорна мелоритмика, историското минато и современост на
македонскиот народ, убавините на Македонија и љубовта кон татковината.(пожелно е да
се опејуваат теми, кои до сега не се воопшто, или многу малку се обработувани).
Секој автор треба да достави нотен запис со впишани хармонски симболи,
стихови и демо-снимка за секоја песна, се вели во Конкурсот распишан од Советот на Фестивалот.
Со испраќање песни на Конкурсот, авторите му го отстспуваат правото на
организаторот, песните да ги аранжира, сними, печати, за прв пат јавно да ги изведе, да ги
стави на носачи на звук и слика, како и сите овие права или некое од нив поедеинечно, да
ги отстапи на трети лица. Сите останати права ги задржуваат авторите, во согласност со
Законот за заштита на авторските и сродни права.
Организаторот го задржува правото, преку своите стручни комисии да врши
мелодиски, ритмички, хармонски или текстуални измени и корекции.
Доколку на Конкурсот не пристигнат доволен број квалитетни трудови,
Организаторот го задржува правото, истите да ги обезбеди по пат на нарачка.
Краен рок за доставување на песните е 30 Ноември 2026-та година, а истите се
испраќаат на mail adresa – gocefest1@gmail.com
Дополнителни информации на телeфон 070-653-417