Бугарија во февруари потпиша договор со изведувачот на градежните работи на отсечката од Ѓуешево до заедничкиот тунел со Македонија, но потребните 50 милиони евра не се обезбедени, откри бугарскиот министер за транспорт и врски Корман Исмаилов на средбата со амбасадорката на Словенија, Наташа Бергел.
„За да го почнеме проектот реално, ќе бараме можности заедно со Министерството за финансии да најдеме средства од државниот буџет“, нагласи Исмаилов, додавајќи дека изградбата на Коридорот број 8 е од стратешко значење од аспект на воената мобилност и транспортната поврзаност на НАТО.
Од своја страна, амбасадорката Бергел истакна дека за Словенија, како земја-членка на НАТО, развојот на коридорот е исто така од суштинско значење.