После тешката штета нанесена од кражбата и уништувањето на енергетската инфраструктура за железница вечерва одржавме координација со директорот на Железница Инфраструктура Синиша Ивановски и Железница Транспорт Дејан Кошутиќ, објави министерот за транспорт и врски Александар Николовски.
Тој ги информира граѓаните дека градски воз сепак ќе има.
,,Ветивме од 1ви Септември и од 1ви Септември ќе оперира!
– Редовен карго сообраќај на Коридор 10 кој носи најмногу приход на Железници ќе има!
– Патнички возови за Велес, Гевгелија, Прилеп и Битола ќе има”, порачува Николовски кој е убеден дека со брзата реакција на МВР крадците ќе бидат пронајдени и ќе одговараат!
,,Благодарам на министерот Панче Тошковски за брзата реакција.
Ние градиме, други уништуваат!
Ние ќе победиме!
Ја градиме Македонија”, напиша Николовски.
Нападот врз македонската критична инфраструктура има сериозни последици а финансиската штета е огромна