И Косово и Албанија боледуваат од иста чудна урбанистичка болест како Македонија каде огромен број од постоечките станови се празни а не запира градбата на нови огромни стамбени комплекси со илјадници станови.
Според косовските медиуми околу 30% од становите во Приштина се празни.
Иатовремено во Тирана, 24% од станбените единици се празни.
Паралелно трошоците за домување продолжуваат да растат, локалното население се бори да преживее, а градежништвото продолжува да се зголемува.
За кого градиме, прашуваат медиумите во Албанија и Косово.
Вкупно околу 31% од станбените единици во Косово се празни.
Во Албанија 33% или една третина од становите се празни.
За споредба во Србија празен е еден од пет стана што претставува 20 проценти од станбениот капацитет.