Македонија е најевтината земја во Европа за сместување за одмор со просечен дневен трошок за оваа намена од само 39,81 евра, покажува студијата на AirDNA, платформа за податоци и аналитика за краткорочни наеми.
„Посетата на оваа земја често е одлука во последен момент, при што патниците резервираат сместување во просек 13 дена однапред. Туристите поминуваат во просек 4,4 ноќевања и имаат тенденција да го претпочитаат главниот град Скопјe, како и Охридското Езеро, кое нуди традиционално европско искуство покрај езеро по пониска цена отколку во поскапите делови на континентот“, се вели во делот од истражувањето за Македонија.
Веднаш зад неа на листата е Косово со коефициент на краткорочен наем (АДР) од 41,63 евра, трета е Молдавија со 45,49, четврта Србија со 51,17 и петта Босна и Херцеговина со 56,33 евра.
Најскапи се Монако, Исланд, Андора, Швајцарија и Обединетото Краластво.