Во ироночен пост директорот ма Канал 5 телевизија ја раскажува неговата сага со банкарската картичка од ProCredit Bank Macedonia.
Мирчевски на социјалната бизнис мрежа LinkedIn во три наврати раскажува колку е тешко да се дојде до замена на банкарската картичка од една Прокредит банката.
ПАРТ ТРИ
Иако ветив дека мојата вивидна сага која е неверојатна ќе ви ја пишувам на дневна основа сепак решив да направам пауза.
Имено, денес појдов кај нив на ул. Манапо… Маааалку си направивме муабет со господинот кој го знае многу добро мојот “случај” и на крај ми рече: чудно е дека се уште немате СМС порака, но дебитната ќе ја имате наредната недела, од понеделник, брзо ќе биде.
Излегов со најмалку 3 масивни прашалници над мојата глава, еден од прашалниците чинам ја закачи и вратата при излегување, ја собирам мојата најубава половина и идеме на ,,развозавање” ( наш термин да шмугнеме од Скопје).
Само што тргнавме, се јавува дотичниот господин и во манирот на Коперфилд , Мандрак и Мерлин заедно ми вели – Voila, картичката е кај мене!
Е кај тебе е, ама јас не сум кај мене
Си посакавме убав викенд, рече ме чека во понеделник во 8.00am sharp ( малце тешко, ја у понеделник го снимам Ламбе Арнаудов, деценискиот верен комрад на ЉуБчо ) така што ќе идам кај нив у 9.00 час.
Дур ова го пишувам морници ме лазат од преголема концентрација на ендорфин, зашто не знам како ќе се соочам со мојата долгоочекувана и посакувана нова дебитна картичка доставена од Косово. Ќе се препознаеме ли??? И да…се надевам дека нема да ми се повтори овој пех, но ако се повтори…М? Што да правам?
Убав викенд на сите банкари во Македонија”, пишува Мирчевски.
Постот е објавен во петок навечер е трет дел од неговата хумористична приказна за проблемите со дебитната картичка во ProCredit Bank.