Бизнис

Ново поскапување на такси превозот?!

Последната одлука за промена на тарифите на такси превозот е од 2022 година, значи дека дел од таксистите, без оглед што возат за регистрираните такси компании, неовластено наплаќаат повеќе од предвидената сума.

Периодов ако сте се возеле со некоја од скопските такси компании сигурно сте забележале дека за истата дестинација ви наплаќаат за дури 30 отсто повеќе од вообичаено. Сепак, никаде нема официјална одлука за поскапување на такси-превозот бидејќи тарифникот се усогласува со одделот за сообраќај на Град Скопје, и се гласа на Советот на Град Скопје.

Последната одлука за промена на тарифите на такси превозот е од 2022 година, значи дека дел од таксистите, без оглед што возат за регистрираните такси компании, неовластено наплаќаат повеќе од предвидената сума.
  • „Цените од пред три години се наштелувани во таксиметарот и само тие три тарифи смеат да ги употребуваат. Исто така и на задните стакла од вратите треба да го имаат истакнато ценовникот по која тарифа возат“, вели за Фактор Сашо Рајчановски Претседател на Групација на авто такси превоз на Град Скопје и член во советот за сообраќај во Град Скопје.
Бидејќи такси-метрите се штелувани според трите тарифи од 2022 година, дел од таксистите возат според третата, најскапа тарифа, но за тоа нема никаква правна основа, бидејќи оваа тарифа се применува само кога цената на горивото е над 120 денари за литар.

Имено, повеќето од таксистите кои возат по „новите“ цени, всушност возат со старт од 60 денари, 35 денари за изминат километар и 420 денари за чекање еден час во место.

Постоечкиот ценовник предвидува прва тарифа со 40 денари старт, 25 денари за изминат километар и 300 денари за чекање еден час во место под услови горивото да чини до 75 денари за литар и втора тарифа со старт од 50 денари, 30 денари за изминат километар и 420 денари за еден час чекање, но под услов просечната цена на горивото да изнесува над 75 денари за литар.

Во последните три месеци само на крајот на јуни просечната цена на горивото изнесуваше над 75 денари за литар, мерено според податоците на gorivo.mk. Тоа значи дека ниту втората тарифа од 50 денари старт со 30 денари изминат километар и 420 денари чекање еден час не е постојано оправдана. Сепак, контролите на таксиметрите и наплатата во такси возилата ретко се спроведува, што ги остава потрошувачите на овие превозни услуги незаштитени.

Исто така голем проблем за Скопјани, во услови на руиниран градски превоз, и небезбедни услови за движење на пешаци и велосипедисте, се и дивите таксисти кои цените буквално ги „вадат од ракав“. Така на пример за возење кое вообичаено чини 150 денари може да ви наплатат дупло, за кратки релации низ централното градско подрачје.

Дивите таксисти станаа многу вешти во изминатите неколку години со тоа што користат табли на кои се испишани имиња на постоечки такси компании, но тие воопшто не возат за нив, ниту се поврзани со некаква централа.

  • „Имам информација дека 70% од таксистите во Скопје се ,,диви“. Немаат лиценци, немаат таксиметри, возилата не ги исполнуваат условите за такси превоз на патници. Не дај Боже да се случи нешто тогаш сите ќе бегаат од одговорност. Многу пати последниве години е барано средување на авто-такси превозот ама надлежните од Градот Скопје го игнорираат тоа барање“, потенцира Рајчановски.

Дивите таксисти најчесто се стационирани околу Меѓуградската автобуска станица, кај хотелот Холидеј Ин, такси станицата спроти Министерството за правда или поранешно „Мекдоналдс“ и на други точки во градот каде најчесто се движат туристи или граѓани од внатрешноста на Македонија кои не се добро запознаени со етаблираните такси-компании. И тоа е многу лесно воочливо и видливо, но нема конкретни чекори од надлежните.

Најнови вести од: Бизнис

В среда продолжува Комисиската расправа за Предлог-буџетот за 2027 година

За капитални расходи се планирани 40,8 милијарди денари. Даночните приходи се проектирани на 223,1 милијарди денари, што претставува раст од 6,4 проценти. За социјални трансфери се предвидени 220,8 милијарди денари, што е зголемување за 4,1 проценти, од кои 123,8 милијарди денари за исплата на пензии или раст за 4,8 проценти во согласност со законското усогласување.

АЕТМ: Половина од онлајн купувачите во Македонија плаќаат исклучиво во готовина при достава

Новата Анализа на плаќањето при достава и дигиталните плаќања во е-трговијата во Македонија за 2026, спроведена од Асоцијацијата за е-трговија на Македонија со поддршка на Visa и презентирана на деветтата Регионална конференција за е-трговија во Скопје, открива значителен јаз меѓу пристапот до платежни инструменти и нивната реална употреба.

Првата аукција на 30 ноември – Народна банка презема чекори за обезбедување нов сопственик на „АЛТА банка“

Постапката е дел од активностите насочени кон обезбедување нов сопственик на Банката, создавање услови за нејзино натамошно работење и зачувување на интересите на штедачите и останатите клиенти.

MTEL им подарува SkyShowtime на корисниците – повеќе филмови, серии и забава

Од 16 ноември, корисниците што ќе склучат договор за mSAT, MOVE, mBOX или mCONNECT ќе добијат ваучер за пристап до SkyShowtime Standard пакетот без дополнителен надомест во текот на промотивниот период. Така ќе можат да уживаат во широк избор меѓународни филмови и ТВ содржини.

Коњановски: Декарбонизација не значи деиндустријализација

Зелената транзиција мора да ги земе предвид потребите на економијата и можностите на енергетскиот систем. Намалувањето на зависноста од јагленот треба да биде постепено, со обезбедено стабилно снабдување за индустријата и граѓаните

To top