До крајот на следната година од Скопје до Приштина би можело да се патува и со воз, ако Косово го заврши својот дел од градежните работи на железничката линија, најави министерот за транспорт Александар Николоски.
За да профункционира редовната линија останува Косово да ја заврши модернизацијата и да го пробие последниот тунел од своја страна.
На македонска страна, за комплетирање на сите активности ќе бидат потребни меѓу четири и шест месеци по завршувањето на работите во Косово.
Поголем дел од трасата на македонска територија ќе се искористи и за идното проширување на скопскиот градски воз, ќе се растовари патниот сообраќај, бидејќи околу 40 отсто од возилата кои влегуваат во Скопје доаѓаат од север, со дневна фреквенција од над 10.000 возила кон и од Косово, а ќе се намали и аерозагадувањето, објасни Николоски.