Бизнис

Признание за „Алкалоид“ на 75-годишнината од Државниот архив на Македонија

Архивот не е само збир на документи, туку жив доказ за постоењето, континуитетот и идентитетот на државата, истакна Мукаетов

1 минута за читање

Македонскиот фармаветски гигант „Алкалоид“ доби признание од Државниот архив на Македонија, кој одбележува 75 години од своето постоење.

На свеченоста за јубилејот благодарницата за континуираната поддршка и придонес во развојот и афирмацијата на Државниот архив ја прими генералниот директор и претседател на Управниот одбор на „Алкалоид“, Живко Мукаетов.

Тој истакна дека Архивот не е само збир на документи, туку жив доказ за постоењето, континуитетот и за идентитетот на една држава, додавајќи дека при неодамнешното истражување за потеклото на документацијата на „Алкалоид“ се увериле во исклучителната вредност на фондот што го поседува Државниот архив, оценувајќи дека станува збор за институција со богато историско и документарно наследство.

Директорот на Државниот архив, Димитар Богески, посочи дека 75 години од основањето на институцијата не се само бројка, туку доказ за долгогодишната работа и посветеност на многу генерации архивисти и вработени.

Државниот архив е формиран на 1 април 1951 година со указ на тогашната Влада на Народна Република Македонија, а низ децениите прерасна во еден од најзначајните столбови на македонскиот идентитет и културно наследство.

Институцијата функционира преку девет подрачни одделенија и девет подрачни архиви, во кои се чуваат околу 8.000 архивски фондови, односно приближно девет километри архивски материјал.

 

 

 

 

Поврзани теми:

Алкалоид|Живко Мукаетов|Државен архив

Повеќе на оваа тема:

Најнови вести од: Бизнис

Ако не потпишат нов договор, корисниците мора да се иселат – Нов рок за откуп на државните станови

Право да поднесат барање за докуп на станот, промена на сопственоста, како и за закуп имаат граѓаните кои живеат во објекти доделени од државата по разни основи, како што се експропријација на имот, уривање на станбени згради или поради тоа што нивните претходни домови биле руинирани и склони кон паѓање. Тие треба да имаат договор за времено користење на станот потпишан пред 16 мај 1998 година.

Успешниот домашен модел ја зацврстува регионалната експертиза: ЕОС Матрих се проширува во Косово

По успешното позиционирање на секундарниот финансиски пазар во Македонија и долгогодишното искуство во управувањето со побарувања и откупот на портфолија, ЕОС Матрих го прави следниот чекор во регионалната експанзија со обновување на активностите на пазарот во Косово. Проширувањето на активностите следува по усвојувањето на новиот Закон за банки на Косово, со кој се креираа услови за примена на современи методи и експертиза за управување со побарувања и откуп на портфолија од нефункционални кредити.

До 80 години отплата и животно осигурување на трошок на банката – нов кредитен пакет за пензионери од АЛТА банка

Со можност за отплата до 80 години старост и ризико животно осигурување целосно на трошок на банката, АЛТА банка отвора повеќе простор за личните планови, избори и финансиска сигурност на пензионерите преку новата платформа „ЗА ВАС.“

Божиновска за грчки “Енерџи Гејм”: Македонија станува клучна гасна раскрсница на Балканот

Енергетски центар за снабдување на Југоисточна Европа е новата улога што министерката Сања Божиновска ја најавува за Македонија по приклучувањето кон Вертикалниот коридор. Договорот беше потпишан на 4 септември во Солун, но патот од политички меморандум до гасна раскрсница зависи од изградбата на две клучни врски со Грција и Србија.

ММФ отвора центар за техничка помош за земјите од Западен Балкан и Молдавија

Меѓународниот монетарен фонд ќе отвори нов центар за техничка помош во Рим, наменет за земјите од Западен Балкан и Молдавија, со цел да им помогне во спроведувањето на реформите и зајакнувањето на институционалните капацитети во процесот на пристапување кон Европската Унија. Директорката на ММФ, Кристалина Георгиева, оцени дека проширувањето на ЕУ повторно се наоѓа високо […]
Сите вести од Бизнис

Најнови вести

To top