Спорт

Алкалоид европски клупски вицешампион во шах!

Во завршниот круг во Грција „фармацевтите“ го совладаа Ришон ле Цион од Израел со 4,5:1,5 и го освоија својот четврти медал на ЕКК

Шахистите на Алкалоид ги освоија второто место и сребрениот медал на 40. Европски клупски куп во Родос, Грција, во конкуренција на 102 екипи од 31 земја!

Македонскиот првак во седмото и последно коло славеше со 4,5:1,5 над Ришон ле Цион од Израел и турнирот го заврши со 12 бода, колку и третопласираниот Нови Бор од Чешка. Нов европски шампион е Супер чес од Романија со максимални 14, благодарејќи и на победата од 3,5:2,5 над „фармацевтите“ во претпоследниот круг.

Успехот на старо-новиот европски вицешампион го надополнија и поединечните медали – среброто на Веи Ји на втората табла, бронзата на Читамбарам Аравинд на четвртата и златото на Абхимању Пураник на седмата.

За Алкалоид ова е трет сребрен медал на најсилното клупско натпреварување на стариот континент по тие во 2017 година во Анталија и во 2024 година во Врњачка Бања, а во 2016 година во Нови Сад беше и европски шампион.

 

Најнови вести од: Спорт

Во продажба билетите за Суперкупот со четири шпански гиганти: Фудбалскиот спектакл на Шпанија пристигнува во Истанбул

Суперкупот на Шпанија 2027 во Истанбул се организира во соработка со Министерството за култура и туризам и Министерството за млади и спорт на Турција, Генералната управа за забава на Кралството Саудиска Арабија, Кралската шпанска фудбалска федерација, Турската фудбалска федерација, компанијата за организација на настани Sela Events и турската агенција за комуникации и маркетинг Hezarfen Ajans.

Најнови вести

To top